2018 جىلدىڭ 7 جەلتوقسانىندا استانا ۇلتتىق اكادەميالىق كىتاپحاناسىندا  زاماناۋي قازاقستان سۋرەتشىلەرى يلليۋستراسيالاعان كاتالوگتىڭ تۇساۋكەسەرى بولىپ ءوتتى دەپ جازادى Qamshy.kz اقپارات اگەنتتىگى. 

كىتاپقا "جاھاندىق الەمدەگى زاماناۋي قازاقستان مادەنيەتى" جوباسىنىڭ اياسىندا ىرىكتەلگەن 60 اۆتور مەن 180 تۋىندى ەندى. «رۋحاني جاڭعىرۋ» باعدارلاماسى اياسىندا قولعا الىنعان جاھاندىق الەمدەگى زاماناۋي قازاقستان مادەنيەتى» كىتابى جوباسى وتاندىق سۋرەتشىلەردىڭ جۇمىسىمەن تانىسىپ قانا قويماي، ولاردىڭ ەڭبەگىن الەمدىك دەڭگەيدە  ناسيحاتتاۋ بولىپ تابىلادى.

بۇل ءبارىمىز ءۇشىن ۇلكەن قۋانىش» دەلىنگەن مينيستر ءسوزىن مادەنيەت جانە ونەر ىستەرى جونىندەگى دەپارتامەنت ديرەكتورى ءابىل جولامانوۆ جەتكىزدى.

سونداي-اق، ءابىل جولامانوۆ قازىرگى زاماننىڭ ۇزدىك سۋرەتشىلەرىن جيناعان كاتالوگتى تانىستىرىپ، بۇل جوباعا شىعارماشىلىق قاۋىمنىڭ قىزىعۋشىلىعى زور ەكەندىگىن اتاپ ءوتتى.   

«جيناققا ەنگەن تۋىندىلار حالىقارالىق جانە رەسپۋبليكالىق دەڭگەيدەگى ساراپشى مامانداردىڭ باعالاۋىمەن ىرىكتەلىپ، تاڭدالعان. باستاپقىدا ساراپشىلارعا 254 اۆتوردىڭ 500-دەن اسا جۇمىسى ۇسىنىلعان. سولاردىڭ ىشىندە وزا شاپقان ۇزدىك 180 تۋىندى كىتاپقا ەنگىزىلگەن»، - دەدى ءوز سوزىندە قازاق عىلىمي-زەرتتەۋ مادەنيەت ينستيتۋتىنىڭ ديرەكتورى، فيلوسوفيا عىلىمدارىنىڭ دوكتورى حازبۋلاتوۆ اندرەي. 

ساراپشىلار قۇرامىندا ت.جۇرگەنوۆ اتىنداعى ءقازۇوا-نىڭ پروفەسسورى، ونەرتانۋ كانديداتى ولگا باتۋرينا جانە ونەرتانۋ كانديداتى، پەداگوگيكا عىلىمدارىنىڭ دوكتورى مادينا سۇلتانوۆا سىندى ماماندار بار.

مەرەكەلىك شاراعا قاتىسقان يۋنەسكو كلۋبتارىنىڭ قازاق ۇلتتىق فەدەراسياسىنىڭ ۆيسە-پرەزيدەنتى سەركان ايازبايەۆ «بۇل زاماناۋي قازاقستان ونەرىن تانيمىن دەۋشىلەرگە تاماشا ادىستەمە بولاتىندىعىنا سەنىمدىمىن. دالا رۋحىن تانۋ ءۇشىن ونىڭ ءتىلىن بىلۋدەن گورى، مادەنيەتى مەن ادامدارىنىڭ ىشكى جان-دۇنيەسىن ۇعۋ قاجەت»، دەپ اتاپ ءوتتى. سونىمەن قاتار، بەلسەنە اتسالىسقان بارلىق ونەر يەلەرىنە ساتتىلىك تىلەدى.