كەشە ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك، الەۋمەتتىك قورعاۋ جانە كوشى-قون كوميتەتىنىڭ ءتوراعاسى اقمادي ءادىل ۇلى سارباسوۆتىڭ قابىلداۋىندا بولدىم. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ماجىلىستە قارالىپ جاتقان زاڭ جوباسى تۋرالى ۇسىنىستارىمدى ايتتىم. اتاپ ايتار بولسام، اتى شۋلى ەكى انىقتامادان قۇتىلۋ ءۇشىن تالقىعا ءتۇسىپ جاتقان «حالىقتىڭ كوشى-قونى تۋرالى» (قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭى) زاڭىنىڭ 49-بابىنىڭ 2)- جانە 9)-تارماقتارىنا وزگەرتۋلەر مەن تولىقتىرۋلار ەنگىزۋ كەرەتىگىن ءوتىندىم. اتالمىش زاڭنىڭ 2)- تارماعى بويىنشا كوشىپ كەلۋشى «سوتتالعانعا دەيiن تۇراقتى تۇرعىلىقتى جەرi قازاقستان رەسپۋبليكاسىنان تىس بولعان، باس بوستاندىعىنان ايىرۋ ورىندارىنان بوساتىلعان؛» بولسا، ونى قر-دا تۇراقتى تىركەۋگە تۇرعىزۋعا بولمايدى. دەمەك، وسى تارماقتى باسى ءبۇتىن الىپ تاستاۋ كەرەك! ادامدار ءتىپتى ابايسىزدا دا قىلمىس وتكىزىپ، سوتتالىپ، جازاسىن وتەپ شىعۋى مۇمكىن عوي. ونى نەگە تۇراقتى تىركەۋگە تۇرعىزباسقا، وعان نەگە ازاماتتىق بەرمەسكە؟!