المالى اۋدانى اكىمىنىڭ اپپاراتىنىڭ ۇيىمداستىرۋىمەن تۋريزم جانە قوناقجايلىق يندۋسترياسى كوللەدجى جانە المالى اۋدانىنىڭ مۇگەدەكتەر قوعامى بىرلەسىپ، المالى اۋدانىندا تۇراتىن مۇمكىندىگى شەكتەۋلى جاندارعا الماتى مۋزەيى جانە حالىق اسپاپتارى مۋزەيلەرىندە «مۇگەدەكتەر كۇنىنە وراي» مۇمكىندىگى شەكتەۋلى جاندارعا كوتەرىڭكى كوڭىل سىيلاۋ، ىزگىلىك پەن مەيىرىمدىلىكتى ناسيحاتتاۋ، مۇقتاج جاندارعا قايىرىمدىلىق جاساۋ ارقىلى رۋحاني قۇندىلىقتاردىڭ ماڭىزدىلىعىن اشىپ كورسەتۋ ماقساتىندا ەكسكۋرسيا ۇيىمداستىرىلدى.
اتالمىش ءىس-شارادا الماتى مۋزەيىندە قازاق ەتنوگرافياسىنىڭ بىرەگەي جيناعى مەن سونداي-اق، قازىردە الماتىدا تۇراتىن حالىقتار وكىلدەرىنىڭ ەتنوگرافياسى، ءارتۇرلى داۋىرلەر مەن مادەنيەتەر تۇرمىستىق زاتتارىنىڭ كوللەكسييالارىن تاماشالاۋمەن قوسا، مادەني جانە تابيعي لاندشافت ساقتالعان «بورالداي ساق وبالارى» پاتشالاردى جەرلەۋ كەشەندەرىمەن تانىسۋىنان باستاۋ الدى. ۇلتتىق مادەنيەتىمىزدىڭ مايەگى حالىق اسپاپتارى مۋزەيىنە ساياحات جاساۋ مەن جالعاسىن تاۋىپ، ساۋلەتى كەلىسكەن اسەم عيماراتتا ورنالاسقان مۋزەيدىڭ قۇندى جادىگەرلەرى مەن تانىسۋ مۇمكىندىگىنە يە بولدى.
مۋزەيدە سوناۋ ەستە جوق ەسكى كۇندەردەن كەلە جاتقان باقسى- بالگەرلەر تۇتىنعان جادىگەرلەردەن باستاپ، جىرشى، ءانشى، كۇيشى كومپوزيتورلار ۇسىنعان مۋزىكالىق اسپاپتار- قوبىز، دومبىرا، سىرناي، سىبىزعىلاردىڭ قورىمەن تانىستى. بۇل مۇگەدەك جانداردىڭ ۇلكەن قىزىعۋشىلىعىن تۋعىزىپ ەرەكشە اسەرگە بولەدى.
