مۋرمانسك قالاسىنىڭ تۇرعىنى الەنا مەدۆەديەۆا شەرەمەتيەۆو اۋەجايىندا اپاتقا ۇشىراعان ۇشاقتىڭ بيلەتىنەن ەكى كۇن الدىن باس تارتقان دەپ حابارلايدى Qamshy.kz اقپارات اگەنتتىگى Lenta.ru سايتىنا سىلتەمە جاساپ.
مەدۆەديەۆا بەلگورودتاعى دەمالىسىن اياقتالعان سوڭ، مۋرمانسك قالاسىنا ماسكەۋ ارقىلى قايتۋدى جوسپارلاپ، ماسكەۋ-مۋرمانسك باعىتىنداعى SSJ-100 لاينەرىنە بيلەت العان. ءبىراق، قايتۋ رەيسىنە ەكى كۇن قالعاندا دەمالىسىن 9 مامىرعا دەيىن سوزىپ، "اجال بيلەتىن" كەرى وتكىزىپ تاستاعان.
"الدىمەن ءبىر عانا ادامنىڭ مەرت بولعانىن ايتتى، ەندى قاراسام 41. سول تىزىمدە مەنىڭ دە بولۋىم مۇمكىن ەدى"،-دەدى مەدۆەديەۆا جۋرناليستتەرگە بەرگەن سۇحباتىندا.
بولعان وقيعادان كەيىن ۇشاق بورتىنا كوتەرىلۋدىڭ وزىنەن قورقىپ قالعانىن دا جاسىرمادى.
ۇسىنعان: داۋرەن سىبانباي
پىكىر قالدىرۋ