بۇكىل الەمدە 1 - ءشى ماۋسىم
بالالاردى قورعاۋ كۇنىرەتىندە اتالىپ ءوتىپ، ەسكى حالىقارالىق مەيرامداردىڭ بىرىنەن سانالادى. ونى وتكىزۋ جونىندە شەشىم
1949جىلدىڭ قاراشا ايىندا حالىقارالىق دەموكراتيالىق ايەلدەر فەدەراسياسىنىڭ ارنايى سەسسياسىندا قابىلداندى. العاشقى حالىقارالىق بالالاردى قورعاۋ كۇنى
1950جىلى وتكىزىلدى
بۇۇاتالعان باستامانى دەر كەزىندە قولداپ، بالالاردىڭ ءومىرىن، قۇقىعىن، دەنساۋلىعىن قورعاۋدى ءوز قىزمەتىنىڭ باستى باعىتتارىنىڭ بىرىنە اينالدىردى. بالالاردى قورعاۋ كۇنى ولاردىڭ ءومىرىن سوعىستان قورعاۋ، دەنساۋلىعىن ساقتاۋ، بولاشاق ۇرپاققا دەموكراتيالىق نەگىزدە ءبىلىم مەن تاربيە بەرۋ جونىندەگى بارشا الەمدەگى وزىق پىكىرلەردىڭ توعىسقان ارناسى دەسەك، ارتىق ايتقاندىق ەمەس. ءدال وسى كۇنى بولاشاقتا ادامگەرشىلىككە، ادىلدىككە، باياندى ومىرگە تولى قوعام قۇرۋ ءۇشىن ونىڭ نەگىزى - بالالارعا بارلىق جاعداي جاساۋ كەرەكتىگى تاعى دا پاش ەتىلەدى. بۇۇ-نىڭ جۇرگىزگەن ساۋالناماسىنا جۇگىنسەك، بۇگىنگى تاڭدا الەمدە ءاربىر ونىنشى بالا ۇلكەندەر تاراپىنان جاسالاتىن زورلىق پەن زومبىلىققا ۇشىرايدى ەكەن. الەمدە ءومىرى قاتەرگە تولى بالالار دا بارشىلىق. اش-جالاڭاشتىق، سوعىس ءورتى، تەراكتىلەر بالالار عانا ەمەس، ۇلكەندەردىڭ دە پسيحيكاسىنا كەرى اسەرىن تيگىزەدى. بۇل- قورعانسىز بالالاردىڭ باسىنا تۇسكەن ۇلكەن اۋىرتپالىق ەكەندىگى شىندىق. جاسوسپىرىمدەر اراسىندا ناشاقورلار سانى وسۋدە، ولاردىڭ جارتىسىنان استامى ىشىمدىك ىشۋدەن دە كەت ءارى ەمەس. وسىلايشا، بالالاردى قورعاۋ كۇنى مەرەكە عانا ەمەس، سونىمەن قاتار، بولاشاققا باعدار جاسايتىن ماڭىزدى شارانىڭ ءبىرى. ادامزاتتىڭ الدىندا تۇرعان زور مىندەت - بولاشاق ۇرپاقتىڭ باقىتتى ءومىرىن قالىپتاستىرۋ. بۇگىن سال ارۋىنا شالدىققان بالالار ۇلكەن قۋانىشقا كەنەلدى. مۇنداي مۇمكىندىكتى بۇلدىرشىندەرگە تۇرىسبەكوۆ اتىنداعى جەكە قايىرىمدىلىق قورى مەن مەن «لادۋشكي» كونديتەرلىك دۇكەنىنىڭ قىزمەتكەرلەرى سىيلادى. 1 ماۋسىم — بالالاردى قورعاۋ كۇنىنە وراي №18 مەكتەپتە ءبىلىم الاتىن 40-قا جۋىق وقۋشى سىيلىقتارعا يە بولدى. ويىنشىق كولىكتەر مەن قۋىرشاقتارعا يە بولعان بالاقايلاردىڭ قۋانىشىندا شەك جوق. ويتكەنى ولار تەك سىيلىقتارعا يە بولىپ قانا قويماي، «لادۋشكيدىڭ» ءتۇرلى ءتاتتى توقاشتارىنان دا ءدام تاتتى. تاتتىگە تويىپ، سىيلىق الىپ، كوڭىلى جايلانعان وقۋشىلار اۋلادا توبەشىكتەردەن سىنعاناپ، ۋاقىتتارىن قىزىقتى وتكىزدى. بالالارعا ۇنەمى قۋانىش سىيلاپ، قوعامنىڭ تولىق مۇشەسى رەتىندە قالىپتاسۋى ءۇشىن كومەگىن ايامايتىن قور جەتەكشىلەرى الداعى كۇندەرى تاعى 700-گە جۋىق ءبۇلدىرشىندى مەرەكەسىمەن قۇتتىقتاۋدى جوسپارلاپ وتىر.
