وڭىرىمىزدە 1 مامىر — بالالاردى قورعاۋ كۇنىنە ارنالعان شارالار باستالىپ كەتتى. بۇگىن وبلىستىق وپەرا جانە بالەت تەاترىنىڭ ارتىستەرى بۇلدىرشىندەرگە يگور موروزوۆتىڭ «دوكتور ايبوليت» بالەتىن تارتۋ ەتتى. كورنەي چۋكوۆسكييدىڭ تاماشا ەرتەگىسىن ساحنالاۋدا ۇجىم مۇشەلەرى ءتۇپتۇسقادان اۋىتقىمادى. وقيعا جەلىسى اڭداردىڭ قامقورشىسى دوكتور ايبوليت پەن دوستارى — تانەچكا، قارلىعاش پەن تۇلكىنىڭ ىس-ارەكەتتەرى ارقىلى ءوربىپ وتىرادى. ۆارۆارا، كاپيتوليي ەسىمدى قاراقشىلاردىڭ ولارعا قارسى جاساعان قاستىعى بالەت قويىلىمىن ودان ءارى شيەلەنىستىرە تۇسەدى. العاش رەت 2009 جىلى پرەمەراسى وتكەن «دوكتور ايبوليتتەگى » باستى ءرولدى قازاقستاننىڭ جاستار وداعى سىيلىعىنىڭ لاۋرەاتى — مۇحتار اشىربايەۆ سومداسا، قويۋشى بالەتمەيستەر — تەاتردىڭ باس بالەتمەيستەرى، قازاقستاننىڭ مادەنيەت قايراتكەرى ريتا حايرۋشيەۆا. ساحنالاعان — مەملەكەتتىك سىيلىقتاردىڭ لاۋرەتاى  قۋانىشبەك سىدىقوۆ. بالەتتەگى كەيىپكەرلەردىڭ دەنىن كىشكەنتاي بالدىرعاندار سومداعان.

مۇحتار اشىربايەۆ، ايبوليت دارىگەردىڭ ءرولىن سومداۋشى: «بۇل — وتە قىزىق ەرتەگى. بۇلدىرشىندەردى ادال بولۋعا، جاقسىلىققا، مەيىرىمدى بولۋعا شاقىرادى. جانە بۇل بالەتتى تەاترداعى ستۋديامىزعا قاتىساتىن بالالاردىڭ قاتىسۋىمەن ساحنالادىق. ءتىپتى اراسىندا ساحناعا العاش شىققان كىشكەنتاي بالەريندەرىمىز دە بار. بۇل — ولار ۇلكەن تاجىريبە. كورەمەندەرگە ۇنادى دەپ ويلايمىز».