جايماشۋاق جازدىڭ ءار كۇنى مەرەكە، ءار كۇنى قۋانىشقا تولى ەكەنى راس-اق. اسىرەسە، مۇنداي مەرەكەلەر بالالار ءۇشىن ەرەكشە ەستە قالارى ءسوزسىز. وسىنداي ءبىر ەرەكشە، ءارى وزگە مەرەكەلەرگە ۇقسامايتىن، سىپاتى بولەك قۋانىشتى كۇن – حالىقارالىق بالارعا ارنالعان كىتاپ كۇنى.
حالىقارالىق بالالارعا ارنالعان كىتاپ كۇنى 1956 جىلدان باستاپ حالىقارالىق كەڭەستىڭ شەشىمىمەن جىل سايىن دات جازۋشىسى گانس حريستيان اندەرسەننىڭ تۋىلعان كۇنىنە وراي اتاپ وتىلەدى. كوپتەگەن ەلدەردە بالالار مەن جاسوسپىرىمدەر كىتابى اپتالىعى اياسىندا الەمنىڭ ۇزدىك كىتاپتارىنا ارنالعان بايقاۋلار، كورمەلەر، كونفەرەنسيالار مەن فەستيۆالدار وتكىزىلەدى.
بالالارعا ارنالعان كىتاپ كۇننىڭ نەگىزگى ماقساتى بالالاردىڭ كوڭىلىن ءبىلىم مەن تانىمعا ارتتىرۋ بولىپ تابىلادى.
نەمىس جازۋشىسى يەللە لەپماننىڭ ۇسىنىسىمەن پايدا بولعان بۇل كۇنى ەكى جىلدا ءبىر رەت بالالار جازۋشىلارىنا ارنالعان حالىقارالىق گ.ح. اندەرسەن اتىنداعى سىيلىق بەرىلەدى.
كوپتەگەن ەلدەردە بۇل كۇن اياسىندا الەمنىڭ ۇزدىك كىتاپتارىنا ارنالعان بايقاۋلار، كورمەلەر، كونفەرەنسيالار مەن فەستيۆالدار وتكىزىلەدى. سونىمەن قاتار ءبىر اپتا بويى بالالار مەن جاسوسپىرىمدەر جازۋشىلارى كىشكەنتاي وقىرماندارىمەن كەزدەسۋلەر وتكىزىپ، سۇراقتارىنا جاۋاپ بەرەدى.
بۇگىن — حالىقارالىق بالالارعا ارنالعان كىتاپ كۇنى. ايتۋلى داتانى اركاديي گايدار اتىنداعى قالالىق بالالار كىتاپحاناسىنىڭ ۇجىمى ايرىقشا اتاپ ءوتتى.
كىتاپحانانىڭ كىشكەنتاي وقىرماندارى مەرەكەلىك شاراعا ەرەكشە دايىندالعان. ءبىرى اۆتورلاردىڭ ەڭبەكتەرىن جاتقا وقىسا، ەندى ءبىرى «ەرتەگىلەر ەلىنە» ساياحات جاساپ، قويىلىمدارىن ۇسىندى. مەرەكەلىك ءان-تارتۋ جولداۋدى دا ۇمىت قالدىرمادى.
ايتا كەتەيىك، بۇگىندە بالالار كىتاپحاسىنىڭ قورى 400 مىڭ كىتاپقا تايادى. بيىلدىڭ وزىندە 3000-عا جۋىق كىتاپپەن تولىققان ۇجىمعا جاڭا ەلەكتروندى دىبىستى ەڭبەكتەر دە جەتكىزىلىپ جاتىر.
ول قۇرال كىتاپتاعى جازۋدى دىبىستاپ بەرەدى. اسىرەسە، زاعيپ جاندار مەن وقۋدى ەندى ۇيرەنىپ جۇرگەندەرگە تاپتىرماس قۇرال. بالالار اراسىندا ۇلكەن سۇرانىسقا يە بولىپ وتىرعان زاماناۋي دۇنيە ازىرگە مۇندا 2 دانا.
