وڭتۇستىك قازاقستانداعى وڭ قادامداردىڭ ءبىرى – بۇلدىرشىندەردى جان-جاقتىلىققا باۋلۋعا باعىتتالعان مادەني ءىس-شارالاردىڭ ءجيى ۇيىمداستىرىلىپ كەلەتىندىگى. اسىرەسە تالانتتى بالالاردىڭ ونەرىن ۇشتاۋعا، جەلكەنىن ۇرلەۋگە باعىتتالعان تاعى ءبىر كەرەمەت شارا «بال ونەر — 2015″ بالالار جانە جاسوسپىرىمدەر تەاتر ۇجىمدارى» بايقاۋى ۇيىمداستىرىلدى. بۇل تۋرالى «قامشى» پورتالى حابارلايدى. بۇگىنگى ءبۇلدىرشىن–ەرتەڭگى تۇلعا. سوندىقتان قاشاندا دا بولسا بالا قۇقىعى ساقتالۋى ءتيىس. جازدىڭ جايماشۋاق كۇنىندە تويلاناتىن بالالار مەرەكەسىندە ءبىز الدىڭعى بۋىن وكىلدەرى بالالارعا قۋانىش سىيلاۋ مۇمكىندىگىنە يە بولامىز. ونەر اسپانىندا قالىقتاۋدى ارماندايتىن «ايگولەك» بايقاۋىنا قاتىسۋشى ونەرپازدارعا اق جول تىلەپ، ونەرپازدارعاباعا بەرۋشى ءادىلقازىلار القاسىن سايلاپ الىپ، بايقاۋدى باستاپ كەتتى. شىمكەنتتەگى وقۋشىلار سارايىندا «بال ونەر — 2015″ بالالار جانە جاسوسپىرىمدەر تەاتر ۇجىمدارى اراسىندا بايقاۋ ءوتتى. سايىسقا 5-21 جاس ارالىعىنداعى ۇمىتكەرلەر قاتىسقان ەدى. ۇمىتكرەلەردىڭ اراسىندا ارنايى تەاتر ۇجىمدارىندا كاسىبي ءبىلىم الاتىن شاكىرتتەرمەن قاتار ءبىلىم وشاقتارىندا وقيتىندار دا بار. جارىس بارىسىندا «شاتتىق»، كاۋسار بۇلاق»، «بالاۋسا»، «اي-تالانت» تەاتر ۇجىمدارى ءوزارا سايىسقا ءتۇستى. جاس ونەرپازدار «جەتى لاق»، «جاڭا جىل جاقسىلىقتارى»، «ەكى لاق» سىندى حالىق ەرتەگىلەرىن ساحنالاۋمەن قاتار د.يسابەكوۆتىڭ «كيەلى الما»، ن.گارنەتتىڭ «بالاپان جانە ونىڭ دوستارى» اتتى تۋىندىلارىن دا كورەمەنگە تارتۋ ەتتى. ءادىلقازى مۇشەلەرى جاس تەاتر ارتىستەرىن ءتۇرلى باعىتتار بويىنشا باعالادى. باستى تالاپ  — قاتىسۋشىلاردىڭ ءوزىن-وزى ساحنادا ۇستاۋى، كورەرمەندى سەندىرە الۋى، ارتىستىك قابىلەتى. بايقاۋدىڭ قورىتىندىسى بويىنشا باس جۇلدەنى «فورمات ە» مەكتەپ-ستۋدياسىنىڭ مۇشەلەرى جەڭىپ الدى. جەتەكشىسى — ەرلان اۋەسبايەۆ. ال ءبىرىنشى ورىن «اي-تالانتتىڭ» بۇلدىرشىندەرىنە بۇيىردى. وقۋشىلاردى تەاترعا باۋلۋ، كوركەمدىك-ەستەتيكالىق تالعامىن قالىپتاستىرۋعا باعىتتالعان بايقاۋ وسىمەن التىنشى جىل قاتارىنان وتكىزىلىپ وتىر.