ەگەمەندىك الىپ، ەسكى كۇنىمىزدى ەڭسەرگەلى 24 جىلدىڭ جۇزىنە اينالىپ بارادى. وسى جىلدار ارالىعىندا ەلباسىنىڭ كورەگەن ساياساتىنىڭ ارقاسىندا قازاقستان قارىشتاپ دامۋدىڭ داڭعىل جولىنا ءتۇستى.  تەك ونەركىسىپ، شيكىزات سالاسى عانا ەمەس، مەديسينادا دا ايتارلىقتاي ناتيجەلەرگە جەتتىك. سونىڭ ىشىندە تاۋەلسىزدىك جىلدارى  ەلىمىزدە نەگىزى قالانعان دەنساۋلىق ساقتاۋ نىساندارىنىڭ 61 پايىزى – وڭتۇستىك قازاقتان وبلىسىندا سالىنعا.

ءيا، بۇل وڭىردە  اق حالاتتى ابزال جاندارعا بارلىق جاعداي جاسالعان. جەرگىلىكتى بيلىكتىڭ شىناي قولداۋى مەن دارىگەرلەردىڭ تىنىمسىز ەڭبەگىنىڭ ناتيجەسى - نارەستەلەر ءولىمىنىڭ كورسەتكىشى 16،4-تەن 15،4-كە تومەندەدى، انالار ءولىمىنىڭ كورسەتكىشى 20،6 قۇرادى.   وبلىستا العاشقى رەت انا ءولىمىن ۆيرۋستىق ينفەكسيا جانە پنيەۆمونيادان تومەندەتۋ ماقساتىندا 38 876 جۇكتى ايەلدەرگە تۇماۋعا قارسى ەكپە (ۆاكسيناسيا) جاسالعان.  سونداي-اق، مەديسينالىق ۇيىمداردىڭ  ماتەريالدىق تەحنيكالىق بازاسىن نىعايتۋعا 4،7 ملرد. تەڭگە باعىتتالىپ، جاراقتالۋ كورسەتكىشى 49،8%-دان 56،2%-عا جەتكىزىلىپ، رەسپۋبليكالىق ورتا كورسەتكىشكە جەتكەن. ال بيىلعى جىلدىڭ ىشىندە وبلىستىق بالالار اۋرۋحاناسى قانشششاما ءبۇلدىرشىندى اجالدان اراشالاپ قالعان.

وبلىستىق بالالار اۋرۋحاناسىندا 6 اي ىشىندە 102 جۇرەك وتاسى جاسالعان. بۇعان دەيىن وسى اۋرۋحانانىڭ دارىگەرلەرى سالماعى 10 كەلى بولاتىن بالالارعا كۇردەلى جۇرەك وتاسىن جاساسا، ەندى ماماندار سالماعى 3 كەلىگە دەيىنگى بالالارعا دا وتا جاساي الادى.

بۇل جايىندا 6 ايلىق جۇمىستىڭ ەسەبىن بەرگەن اۋرۋحانا باسشىلىعى مالىمدەدى. ولاردىڭ ايتۋىنشا، وڭىردە بالالار كارديوحيرۋرگياسى قارقىندى دامىپ كەلەدى. سونىڭ ايعاعى — جەرگىلىكتى وتاشىلار وڭتۇستىكقازاقستاندىق بالاقايلاردى عانا ەمەس، تاراز، قىزىلوردا وڭىرلەرىنىڭ ناۋقاستارىن دا قابىلداۋدا. ايتۋلارىنشا، ەندى ءوڭىرىمىزدىڭ بوبەكتەرىنە ەمدەلۋ ءۇشىن استانا مەن الماتىعا بارۋدىڭ دا قاجەتى جوق.