ەلباسىمىزدىڭ بيىلعى حالىققا ارناعان كەزەكتى جولداۋى ەلدىك ماسەلەلەرگە جان-جاقتى شولۋ جاساپ، الداعى ماقساتتارىمىزدى ايقىن كورسەتۋىمەن ەرەكشەلەنەدى. «قازاقستان الەمدى ءوز جەتىستىكتەرىمەن تاڭ قالدىردى» دەگەن پرەزيدەنتىمىزدىڭ ءسوزىنىڭ اقيقاتىن حالىق مەملەكەتىمىزدەگى وركەندى وزگەرىستەر ارقىلى كورىپ، سەزىپ وتىر. 2010 جىلعى قاڭتار ايىندا پرەزيدەنت ۇكىمەت پەن اكىمدەرگە بالالاردى مەكتەپكە دەيىنگى بىلىممەن قامتۋ بويىنشا «بالاپان» ارنايى باعدارلاماسىن جۇزەگە اسىرۋعا كىرىسۋدى تاپسىردى. «2020 جىلعا قاراي قالالىق جانە اۋىلدىق جەرلەردەگى بالالاردىڭ ءبارى مەكتەپكە دەيىنگى وقىتۋ جانە تاربيەمەن قامتىلۋى كەرەك. بىزدە ول ءۇشىن بارلىق مۇمكىندىك بار، الەۋەتىمىز جوعارى، مەملەكەتتىك-جەكە مەنشىك ارىپتستىك – ءبارى بار»، - دەپ ەسكە سالدى نۇرسۇلتان ءابىش ۇلى. ەلباسى «نۇرلى جول» اتتى كەزەكتى جولداۋىندا مەكتەپكە دەيىنگى ۇيىمدارداعى ورىندار تاپشىلىعىن بارىنشا ازايتۋدى تاپسىردى. ول ءۇشىن پرەزيدەنت 20 ملرد. تەڭگە قوسىمشا قاراجات ءبولۋدى بۇيىردى. دەمەك، كوپ ۇزاماي ونداعان بالاباقشا اشىلادى دەگەن ءسوز. بۇل بالاباقشالاردى اشۋ بارىسىندا جەرگىلىكتى ورگاندار مەكتەپكە دەيىنگى وسى مەكەمەلەردە جۇمىس ىستەيتىن تاربيەشىلەر مەن مەڭگەرۋشىلەردىڭ كاسىبي دەڭگەيىن دە نازاردان تىس قالدىرماۋى شارت. مىنە، ەلباسى تاپسىردى. اكىمشىلىك ورىندادى. شىمكەنتتەگى سامال جانە تۇلپار شاعىناۋداندارىنداعى 320 ورىندىق ەكى بالاباقشا بۇلدىرشىندەردى قابىلداۋعا تولىق دايىن. قۇرىلىس جۇمىستارى 2012 جىلى باستالعان نىساندار رەسپۋبليكالىق بيۋدجەت قارجىسىنا سالىندى. ءارقايسىسىنىڭ قۇرىلىسىنا 500 ملن. تەڭگەدەن جۇمسالعان. بۇگىنگى تاڭدا مەردىگەر مەكەمەلەر قاجەتتى قۇرالدارىن جەتكىزىپ، جابدىقتاۋعا كىرىسكەن. قالالىق ءبىلىم ءبولىمىنىڭ ماماندارى بۇل بالاباقشا ناۋرىز ايىندا بالالاردى قابىلدايدى دەپ مالىمدەدى.