شىمكەنتتە «دامۋ» قورىنىڭ قولداۋىمەن بالاباقشا ۇلعايتىلدى. 112-ورامدا ورنالاسقان مەكتەپكە دەيىنگى مەكەمە ەندى 100 بالاعا دەيىن قابىلداي الادى. زامانۋي تالاپقا ساي بوي كوتەرگەن نىساندا قىزمەتشىلەر قاتارى دا ارتىپ وتىر. مۇندا بي ساباعى لوگوريتميكا ادىسىمەن ءوتىپ جاتىر. بۇلدىرشىندەرمەن بىرگە بيلەپ جۇرگەن حورەوگرافتار بۇل ءادىس بالانىڭ مۋزىكالىق قابىلەتىن دە اشادى دەيدى. ال اۋەزدى انگە ىرعالعان جۇپتار كوكتەم مەرەكەسىنە دايىندىقتارىن باستاپ كەتكەن. بالاباقشاعا دەگەن سۇرانىس جىل ساناپ ارتىپ كەلەدى. وسىنى ەسكەرگەن مەنشىك يەسى كاسىبىن كەڭەيتۋدى جوسپارلاعان. قوردىڭ قولداۋىمەن جەڭىلدەتىلگەن پايىزبەن نەسيە راسىمدەپ، سىيىمدىلىقتى ارتتىرۋ ءۇشىن قوسىمشا عيمارات سالىپتى. بالالار باقشادان قازاق، ورىس، اعىلشىن تىلدەرىن ۇيرەنىپ شىعادى. 5 جىلدان بەرى جۇمىس ىستەپ كەلە جاتقان مەكەمەدە بۇگىندە 1 جاستان 5 جاسقا دەيىنگى 40 بالا تاربيەلەنىپ جاتىر. ەندى بالا سانى دا ارتىپ، جاڭا جۇمىس ورىندارى دا اشىلادى. بالاباقشا ازىرگە تولىق جانە جارتى كۇندىك تارتىپتە جۇمىس ىستەيدى. تاربيەشىلەر ەندى اتا-انالاردىڭ ءوتىنىشى بويىنشا ۇزارتىلعان كۇن توبىن اشىپ، ءتىپتى، دەمالىس كۇندەرىندە دە بالالاردى قابىلداۋعا ءازىر. ءيا، ەلباسى تاپسىرماسىن بۇلجىتپاي ورىنداۋ ءارقايسىسىمىزدىڭ بورىشىمىز ەكەنى ناق. وسىنداي يگى باستامالارعا قولداۋ ءبىلدىرۋدى وزدەرىنە پارىز ساناعان «دامۋ قورى» باسشىلارى  بيزنەستىڭ جول كارتاسى 2020» باعدارلاماسى بويىنشا بالا-باقشا اشۋداعى الىناتىن نەسيەگە بەرىلەتىن جەڭىلدىكتەرگە توقتالىپ جانە مەملەكەت تاراپىنان بەرىلىپ وتىرعان كومەكتى پايدالانۋ كەرەكتىگىن ايتىپ وتىر. سونىمەن قاتار،  وبلىس اكىمى جەرگىلىكتى باسشىلاقتار مەن بىرلەسە وتىرىپ، «ءبىر جەڭنەن قول شىعارۋعا»، كاسىپتى دامىتا وتىرىپ، الەۋمەتتىك ماڭىزدى ماسەلەلەردى شەشۋگە ات سالىسۋعا شاقىردى.