كەشە ۋكراينا بيلىك وكىلدەرى ءبىر اۋىزدان  ودەسسا وبلىسى گۋمەرناتورلىعىنا ميحايل سااكاشۆيليدىڭ كانديداتۋراسىن ماقۇلدادى. وسىعان دەيىن گرۋزيانىڭ ەكس-پرەزيدەنتى ۋكراينا بيلىگىنەن ساياسي باسپانا سۇراپ، ازاماتتىق العان بولاتىن.

ەندى گرۋزيانىڭ بۇرىنعى باسشىسى ودەسساوبلىسىنىڭ گۋبەرناتورى قىزمەتىن اتقارادى. 29 مامىر كۇنى ودەسسا وبلىستىق اكىمشىلىگى گۋبەرناتورى لاۋازىمىنا سااكاشۆيليدىڭ كانديداتۋراسىن ۇسىنعان.  ال سوڭعى شەشىمدى بۇگىن  ۋكراينا پرەزيدەنتى پەتر پوروشەنكو ودەسساعا رەسمي ساپارى بارىسىندا جاريالادى.

بۇرىنعى گرۋزين پرەزيدەنتىنىڭ جاڭا لاۋازىمى تۋرالى  اقپاراتتى ءوزىنىڭ فەيسبۋك الەۋمەتتىك جەلىسىندەگى پاراقشاسىندا ۋكراينانىڭ ەكولوگيا جانە تابيعي رەسۋرستار ءمينيسترى يگور شيەۆشەنكو بولىسكەن. وندا: «تاعى ءبىر مەروكرات باسشى بولىپ تاعايىندالدى. ميحيال سااكاشۆيلي ودەسسا گۋبەرناتورى بولدى!».

ۋكراينا جوعارعى راداسىنىڭ دەپۋتاتى، پوروشەنكو جاقتاسى مۇستافا نايم 29 مامىر كۇنى ءوزىنىڭ twitter پاراقشاسىندا، «سااكاشۆيلي رەسمي تۇردە ۋكراينا ازاماتى بولدى!» دەپ جازعان.