قازاقستاننىڭ فۋتبول فەدەراسياسى ءار جىلدىڭ سوڭىندا فۋتبولشىلاردىڭ جىلدىق ەسەبىن جاريا ەتىپ تۇرادى دەپ جازادى Qamshy.kz اقپارات اگەنتتىگى.

2018 جىلعى ورتا ەسەپكە سۇيەنەتىن بولساق، قازاقستان فۋتبولشىلارى اپل ويىندارىنان 148 مىڭ اقش دوللارىن، ياعني سول ۋاقىتتاعى باعاممەن 55 ملن تەڭگە الىپ وتىرعان. بۇل – جالپى توپتىڭ ايلىعى. ادام باسىنا شاققاندا ءارقايسىسى شامامەن كەمىندە 3 ملن 500 مىڭ تەڭگەدەن الدى. ءبىر ايدىڭ ىشىندە ەكى-ۇش كەزدەسۋ وتكىزىپ، قوسىمشا ۋاقىتپەن ەسەپتەسەك، 300 مينۋت ىشىندە وسىنداي قارجىعا يە بولادى.

مۇعالىمدەر ايىنا 55480 تەڭگە الادى، ەگەر تاجىريبەسى ەكى-ۇش جىل بولسا... 2019 جىلدىڭ ماۋسىم ايىنىڭ 1-ىنەن باستاپ 10-30% ارالىعىندا كوتەرىلەدى- مىس. شاكىرتتەردى تاربيەلەپ، ءبىلىم بەرىپ، ەكىنشى اناسى سەكىلدى قاراعاندارى ءۇشىن  66382 تەڭگە كولەمىندە جالاقى الاتىن بولادى. قوسىمشا ساعاتتار ءۇشىن تولەنەتىن اقشا قۇنى 3 مىڭ مەن 10 مىڭ تەڭگە ارالىعىندا.

دەمەك، ءبىر فۋتبولشى ەلۋ بەس ۇستازدىڭ جالاقىسىن قالتاسىنا سالىپ وتىرادى ەكەن. قازاقستاندى الەمگە تانىتىپ جاتقان فۋتبول كوماندالارى ەمەس، تاعىلىم بەرگەن مۇعالىمدەر ەكەنىن ەستەن شىعارمايىق.

دايىنداعان: بەك بايتاس