اقتوبە تۇرعىندارى كوممۋنالدىق قىزمەتكەرلەردىڭ ەرەكشە "جۇمىسىن" بايقاپ قالىپ، ونى ءتۇسىرىپ الادى. بەينەماتەريالدى جەلىگە جۇكتەگەن بويدا الگى جۇمىسشىلار تەز ارادا تانىمال بولا باستادى دەپ حابارلايدى Qamshy.kz اقپارات اگەنتتىگى سپۋتنيك سايتىنا سىلتەمە جاساپ.
جەلىدە جارىق كورگەن بەينەماتەريالداعى جۇمىسشىلاردىڭ جالقاۋلىعى قولدانۋشىلاردىڭ ءبىر پاراسىنىڭ اشۋىن تۋعىزسا، ەكىنشى ءبىر توپ ولاردىڭ تاپقىرلىعىنا كۇلىسىپ جاتتى.
بەينەماتەريالدا جول جيەگىندە اعاش ءدىڭىنىڭ كوشەگە قارايتىن بەتى بويالىپ، قالعان بەتى سول قالپى قالعانى كورىنەدى.
جاعدايعا قاتىستى ۋچاسكەنىڭ شەبەرى پىكىر ءبىلدىردى. ونىڭ ايتۋىنشا، وسىنى جاساعان قىزمەتكەر دەمالىس كۇنى جۇمىس جاساعىسى كەلمەي، تاپقىرلىققا باسقان.
"بۇل ۆيدەوداعى ۋاقىت – جۇمىس ۋاقىتىنىڭ اياقتالعان كەزەڭى. شىنىن ايتقاندا، ونىڭ جالقاۋلىعىنان تۋدى بۇل وي. ول جۇمىستى جىلدام ءبىتىرىپ، ۇيىنە قايتقىسى كەلگەن"، - دەدى شەبەر اندرەي كولومييچۋك.
شەبەر الگى قىزمەتكەرمەن سويلەسكەنىن جانە وعان جاۋاپتى بولۋدى مىقتاپ تاپسىرعانىن ايتادى.
ۇسىنعان: ادىلەت مادەنيەت
پىكىر قالدىرۋ