اۋەسقوي جەلى قولدانۋشىلارى تۇسىرگەن ۆيدەودا بالىق اۋلاپ وتىرعان موسقال كىسىنىڭ ارتىندا، جاعاجايدا انادان تۋعانداي جالاڭاش كۇيدە بيلەپ تۇرعان ادام تالقىعا ءتۇستى. ارادا كوپ ۋاقىت وتپەي، جالاڭاش بيلەگەن ازامات اكىمشىلىك جاۋاپكەرشىلىككە تارتىلعان. بۇل تۋرالى ماڭعىستاۋ وبلىسىنىڭ پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ Qamshy.kz اقپارات اگەنتتىگى حابارلايدى.
دەپارتامەنتتىڭ مالىمەتىنە سۇيەنسەك، الگى ەر ادام دەمالۋشىلاردىڭ كوزىنشە جالاڭاشتانىپ، ونىسىمەن قويماي رۇقسات ەتىلمەگەن ورىندا تەمەكى شەككەن. دەمالۋشىلاردان تۇسكەن قوڭىراۋ بويىنشا جاعاجايعا جەتكەن ءتارتىپ ساقشىلارى "ءبيشىنى" قۇرىقتاپ، پوليسيا بولىمشەسىنە جەتكىزگەن.
جاعاجايدا جالاڭاش "جىن-ويناق" ۇيىمداستىرعان جەرگىلىكتى جەردىڭ ازاماتى ەكەن. ءوزىنىڭ ورەسكەل ارەكەتىن ازامات ءتۇسىندىرىپ بەرە المادى.
ءتارتىپ بۇزۋشى تاراپىنا اكىمشىلىك كودەكستىڭ 434-بابىنىڭ 1-تارماعى جانە 441-باپتىڭ 1-تارماعى بويىنشا جازا تاعايىندالدى.
434-باپتىڭ 1-تارماعى بويىنشا قۇقىق بۇزۋشى بەس ايلىق ەسەپتىك كورسەتكىش كولەمىندەگى ايىپپۇل (12 025 تەڭگە) نەمەسە 10 كۇن اكىمشىلىك قاماۋعا الىنادى.
441-باپتىڭ 1-تارماعى بويىنشا رۇقسات ەتىلمەگەن قوعامدىق ورىنداردا تەمەكى شەككەنى ءۇشىن ءۇش ايلىق ەسەپتىك كورسەتكىش (7 215 تەڭگە) كولەمىندە ايىپپۇل سالىنادى.
پوسموترەت ەتۋ پۋبليكاسيۋ ۆ Instagram
ۇسىنعان: ادىلەت مادەنيەت
پىكىر قالدىرۋ