بۇگىن قازاقستاندا مەكتەپ ءبىتىرۋشى تۇلەكتەر اراسىنداعى  «ۇبت» سىناعى  باستالدى. ۇلتتىق تەستىلەۋ ورتالىعىنىڭ تاراتقان رەسمي دەرەكتەرگە سۇيەنسەك، بيىل  ۇبت – 2-8 ماۋسىم ارالىعىندا جالعاساتىن بولادى. وعان قاتىسۋعا 87782 مەكتەپ ءبىتىرۋشى ءوتىنىش بىلدىرگەن. بۇل  مەكتەپ بىتىرۋشىلەردىڭ جالپى سانىنىڭ 71%-ن قۇرايدى. ونىڭ ىشىندە 62384 قازاق تىلىندە، 25398 ورىس تىلىندە تەست تاپسىرماق.

تومەندەگى كەستەدە تەستىلەۋ كۇندەرى، ۇبت وتكىزۋ پۋنتتەرى، تەستىلەۋگە قاتىسۋشىلار سانى مەن قازاق جانە ورىس ءتىلدى وقۋشىلاردىڭ رەتتىك كورسەتكىشى:

سونىمەن، ۇبت باستالدى. 11 سىنىپ ءبىتىرۋشى تۇلەكتەرگە ءبىلىم گرانتتارىن تاپسىرۋ تۋرالى رەسپۋبليكالىق كونكۋرستىق كوميسسيا ءوز جۇمىسىنا كىرىستى. جاڭالىق كوپ-اق. ال بيىل بارلىعى 87 مىڭنىڭ ۇستىندەگى وقۋشى مەكتەپتى ءتامامداعان. سونداي-اق، بيىلعى ۇبت سۇراقتارىنىڭ 30 پايىزى تولىقتاي جاڭارتىلعان. ياعني 21 200 سۇراق تولىقتىرىلعان جانە رەسپۋبليكا كولەمىندە 2000-عا جۋىق مينيسترلىك وكىلدەرى باقىلاۋشى بولماق.

ءبىراق، ءبىر قاراپايىم ءارى وزگەرىسسىز ماسەلە بار. ول- ءبىلىم گرانتتارىن قازاق جانە ورىس تىلدىلەرگە بولۋدەگى ادىلەتسىزدىك. جۇرتتىڭ ۇتو مالىمدەمەسىنە سەنگىسى جوق. سەنبەيتىن «اليبي» دە جوق ەمەس. رەسمي دەرەكتەر بيىلعى تەست تاپسىرۋشىلاردىڭ 70 پايىزدان استامى قازاق ءتىلدى مەكتەپ تۇلەكتەرى ەكەندىگىن كورسەتەدى. بار بولعانى 20 پايىزعا جۋىق وقۋشى ورىس تىلىندە تەس تاپسىرۋدا. ال ءبىلىم گرانتتارىن بولۋگە كەلگەندە بىزدەگى قاتىپ قالعان 60x40 پايىزدىق پرينسەپ. ياعني،  87 782 مەكتەپ بىتىرۋشىلەردىڭ ىشىندە قازاق تىلدىلەردىڭ تەك 60 پايىزى عانا گرانتقا تۇسۋگە مۇمكىندىگى بار دا،   ورىس ءتىلدى 25 398 وقۋشىنىڭ 40 پايىزى (ياعني، تولىعى) جوعارعى وقۋ ورنىنا تۇسەدى دەپ جوسپارلانعان. مۇنىڭ سەبەبى دە ايقىن. ويتكەنى ورىس  مەكتەبىنىڭ تۇلەكتەرىنىڭ باسىم بولىگى ۇبت-عا قاتىسپايدى. ولار، ادەتتەگىدەي، مەكتەپ ءتامامداعان سوڭ، رەسەيگە اتتانىپ، جوو ورىس بولىمىنە تۇسەدى. بiراق سوعان قاراماستان مەملەكەتتiك بiلiم گرانتىنىڭ پايىزدىق ۇلەس سالماعى - 60x40 قالپىنان تايار ەمەس. بiز بۇل ماسەلە ءجونiندە بiرنەشە جىلدان بەرi دابىل قاعىپ كەلە جاتقانىمىزبەن، ودان ونەر ناتيجە جوق.

نۇرگەلدى ءابدىعاني ۇلى