استانادا وتەتىن «مۋز-تۆ 2015. گراۆيتاسيا» اتتى اۋقىمدى شاراعا قاتىستى الەۋمەتتىك جەلىلەردە سىني پىكىرلەر ايتىلىپ، وعان «مادەني ەكسپانسيا» دەگەن باعا بەرۋشىلەر تابىلدى. اسىرەسە، جۋرناليستەر قاۋىمى بۇل تاقىرىپتى قىزۋ تالقىلاپ، ءوز كوزقاراستارىن باتىل ءبىلدىرىپ جاتىر. ماسەلەن، الماس التاي ەسىمدى بەلگىلى جۋرناليست فەيسبۋكتاعى جەكە پاراقشاسىندا ءقىدىرالى بولمانوۆ، ساكەن مايعازييەۆ، مەيرامبەك بەسبايەۆ سىندى تانىمال ءانشى، پروديۋسەرلەرگە ارنالعان جازبا قالدىرىپ، جاۋاپ بەرۋلەرىن سۇراعان ەدى. كوپ ۋاقىت وتپەي ساكەن مايعازييەۆ ەسىمدى قولدانۋشى فەيسبۋكتە جۋرناليستەرگە ارنالعان جاۋاپ قالدىردى. وندا بىلاي دەلىنگەن:
«قىمباتتى ءتورتiنشi بيلiك وكiلدەرi!داتتارىڭىز ورىندى. ساۋالدارىڭىز سالماقتى. جاۋاپ بەرەمىز، قازاق ءۇشىن سويلەۋدەن تارتىنعان كەزىم بولعان ەمەس. پرەميانىڭ وزىنە اۋەلدەن قارسىمىن، مۋزارتتىڭ اتىنان ايتايىن، ءبىز بارمايمىز! پرەمياسى وزىنە، ول قازاقتىڭ مۋزارتقا دەگەن ماحابباتىنان بيىك ەمەس. قازاقتىڭ مادەنيەتىن، حالىقتىق مۋزىكاسىن، ءداستۇرلى ءانىن دارىپتەۋ، مىنە، بىزگە وسى ابىروي! ويلاڭىزشى، «گاككۋ» تەلەارناسى باكۋگە، تبيليسيگە، بولماسا ۆارشاۆاعا بارىپ وسىنداي شارا جاساي الار ما ەدى؟ ولار كىرگىزبەيدى. اۋماق، تەرريتوريا، ءار حالىقتىڭ وزىندىك جەكە مادەني كەڭىستىگى دەگەن نارسە بار. مەنىڭ، مۋزارتتىڭ ايتارى مىناۋ: قازاققا پايداڭ تيمەسە، جونىڭە ءجۇر، زيانىڭ تيمەسىن!» (https://www.facebook.com/saken.sozak؟fref=ts)
aynaline.kz
