تاۋەلسىزدىك العاننان بەرى ءبىز تىم قاتتى ايعايلايتىن بولىپ بارامىز. مەنىڭ ويىمشا بۇل رۋحىمىزدىڭ مىقتىلىعىنان نەمەسە وسالدىعىنان ەمەس، اقىرى قۇريتىنىمىزدى ءبىلىپ، امالىمىز تاۋسىلعاندىقتان، ولەر الدىنداعى تۇياق سەرپىپ جاتقان سوڭعى ارەكەتەمىز بولسا كەرەك. دالباسالاپ تال قارماعان ارەكەتتەرىمىزدىڭ ەشقايسىسى دا ناتيجە بەرمەگەندىكتەن، ەسىمىز اۋىسىپ، نە بولسا سونى ساندىراقتايتىن، قانشا ەمدەسە دە جازىلمايتىن جامان دەرتكە شالدىقتىق. جوق، قازاق اقىماق حالىق ەمەس. تىم قاتتى سەزىمتال حالىق
بولعاندىقتان، اقىرزامانىنىڭ جاقىنداپ قالعانىن ىشكى تۇيسىگىمەن سەزىپ، اتىلۋ جازاسىنىڭ سوڭعى كۇنىن كۇتكەن قىلمىسكەردەي ءار كىم ءوز بەتىنشە جىندانىپ جاتىر. بايلارىمىز تىكۇشاقپەن اسپاننان اقشا جاۋدىرىپ ءوز بەتىنشە. كەدەيلەرىمىز ۇستەرىنە بەنزين قۇيىپ، وزدەرىن-وزدەرى ورتەپ ءوز بەتىنشە. اقىندارىمىز بەن جازۋشىلارىمىز وزدەرىن-وزدەرى ماقتاپ ءوز بەتىنشە. فەيسبۋككا قولىمىز جەتكەندەرىمىز وزىمىزگە-وزىمىز عاشىق بولىپ، ءوز بەتىمىزشە. بۇگىنگى قازاقتىڭ ەشقايسىسىنا دا رەنجۋگە بولمايدى. وعان تەك تۇسىنىستىكپەن قاراۋ كەرەك.امانگەلدى كەڭشىلىك، Facebook پاراقشاسىنان
