قازاقستان رەسپۋبليكاسىنىڭ پرەزيدەنت سايلاۋىنىڭ اشىق ءارى ءادىل وتۋىنە، ماڭعىستاۋ وبلىسىنىڭ قوعامدىق بىرلەستىكتەرى جانە بەلسەندى ازاماتتاردان قۇرالعان «امانات» ازاماتتىق پلاتفورماسى قۇرىلدى.
«امانات» الاڭىنىڭ ماقساتى- سايلاۋدىڭ ءادىل، اشىق وتۋىنە قوعامدىق مونيتورينگ جۇرگىزۋ. ماڭعىستاۋ وبلىسىندا سايلاۋدىڭ بارىسىن 223 تاۋەلسىز باقىلاۋشى باقىلايدى. «امانات» وڭىرلىك شتابىندا بارلىق باقىلاۋشىلارعا سەمينار-ترەنينگتەر ءوتىپ، وقىتىلدى. سەمينار-ترەنينگتەردە باقىلاۋشىلاردىڭ قۇقىقتارى مەن ولاردىڭ مىندەتتەرى تۋرالى جانە سايلاۋ زاڭناماسىنىڭ سۇراقتارى بويىنشا وقىدى.
«امانات» ازاماتتىق پلاتفورماسىنىڭ ماڭعىستاۋ وبلىسى بويىنشا قۇرىلعان شتابىنىڭ مۇشەلەرى اۋداندار مەن قالالارداعى سايلاۋ ۋچاسكەلەرىنىڭ دايىندىعىن تەكسەرگەن بولاتىن. سايلاۋ ۋچاسكەلەرىندە داۋىس بەرۋگە ارنالعان كابينالار، ارنايى جاشىكتەر قويىلعان. سايلاۋعا ءتۇسىپ جاتىرعان 7 كانديداتتىڭ بىردەي كولەمدە مالىمەتتەرى تولىقتىرىلعان.
سونداي - اق سايلاۋ ۋچاسكەلەرىندە مۇمكىندىگى شەكتەۋلى ازاماتتاردى سايلاۋعا قاتىستىرۋعا تولىق جاعداي جاسالعان. ولاردىڭ ءجۇرىپ تۇرۋىنا پاندۋستار ورنالاستىرىلعان.
2019 جىلدىڭ 9 ماۋسىم كۇنى قازاقستان رەسپۋبليكاسىنىڭ پرەزيدەنتى سايلاۋىنىڭ اشىق ءارى ءادىل وتۋىنە «امانات» ازاماتتىق پلاتفورماسى ءوز باقىلاۋىن تاڭعى ساعات 06:00-دەن باستاپ كەشكى ساعات 20:00گە دەيىن جۇرگىزەدى.
پىكىر قالدىرۋ