گەرمانيادان كەلگەن بايقاۋشى بورن ۆولف رۋتحارت كارل وسىنداي پىكىر ءبىلدىردى دەپ حابارلايدى Qamshy.kz اقپارات اگەنتتىگى قازاقپارات تىلشىسىنە سىلتەمە جاساپ. 

"قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ اسا ماڭىزدى مۇشەسى بولىپ تابىلادى. قازاقستان بيلىگى ەلدەگى پرەزيدەنت سايلاۋىن باقىلاۋعا ەقىۇ ادام قۇقىقتارىن قورعاۋ بويىنشا ءبولىمىنىڭ ماماندارى شاقىرىلدى. بۇل دا قازاقستاننىڭ سايلاۋدى ءادىل وتكىزۋگە مۇددەلى ەكەندىگىن بىلدىرسە كەرەك. ەقىۇ وكىلدەرى ۇلكەن مونيتورينگ جۇرگىزدى.  بۇل بويىنشا ناقتى ۇسىنىستار بەرىلەتىن بولادى. ءبىراق، ءبىز ءوزىمىز ەلەكتورالدى زاڭ تالاپتارىنىڭ بۇزىلۋ دەرەكتەرىن بايقامادىق. بارلىق سايلاۋ پروسەسى نورمالار مەن ستاندارتتارعا ساي بولدى"، - دەدى بورن ۆولف.

ال بۋندەستاگ ەكس-دەپۋتاتى، الماتى وبلىسىنىڭ تۋماسى حايريح سەرتيك ءالى دە سايلاۋشىلاردىڭ ەلەكتورالدى ءتارتىپ تۋرالى ءبىلىمىن ارتتىرۋ كەرەكتىگىن ەسكەرتتى.

"مەن بۋندەستاگ دەپۋتاتى بولعانمىن. ەكىنشى رەت پرەزيدەنت سايلاۋىن بايقاۋعا مۇمكىندىك تۋدى. مەن ءوز ءبىلىمىمدى قازاقستاندا پايدالانىپ جاتقانىما قۋ-انىشتىمىن. ءبىز ءوز ميسسيامىزدى اتقاردىق. ەشقانداي  زاڭبۇزۋشىلىق بايقامادىق. ءار ۋچاسكەدە بىزدەن باسقا 8-10 بايقاۋشى قاتىستى. ءبىراق، ءبىر ۋچاسكەدە ايەل كەلىپ، ماسكەۋدەگى قىزىنىڭ قالاي داۋىس بەرە الاتىنىن سۇرادى. ارينە، سايلاۋ بولاتىن كۇنى بۇل مۇمكىن ەمەس. وعان الدىن الا تىركەلۋ كەرەك ەدى. وسى جاعىنان داۋىس بەرۋشىلەردىڭ ءبىلىمىن كوتەرۋ كەرەك دەگەن ويدامىن"، - دەدى  حايريح سەرتيك.