جاڭادان سايلانعان قازاقستان پرەزيدەنتىن ۇلىقتاۋ ءراسىمى داۋىس بەرۋ قورىتىندىسى جاريالانعان كۇننەن باستاپ ءبىر اي ىشىندە وتكىزىلەدى دەپ حابارلايدى Qamshy.kz اقپارات اگەنتتىگى sputniknews.kz سايتىنا سىلتەمە جاساپ.
زاڭ بويىنشا ورتالىق سايلاۋ كوميسسياسى پرەزيدەنت سايلاۋىنىڭ سوڭعى قورىتىندىسىن داۋىس بەرۋ وتكەننەن كەيىن ءبىر اپتا ىشىندە جاريالاۋى ءتيىس. ياعني، 17-ماۋسىمعا دەيىن بيىلعى سايلاۋدىڭ ناقتى ناتيجەسى بەلگىلى بولادى. ال جاڭادان سايلانعان پرەزيدەنتتى ۇلىقتاۋ ءراسىمى داۋىس بەرۋ قورىتىندىسى جاريالانعان كۇننەن باستاپ ءبىر اي ىشىندە وتكىزىلۋى كەرەك.
بۇل دەگەنىمىز پرەزيدەنتتىڭ يناۋگۋراسياسى 17-شىلدەگە دەيىن وتەدى دەگەن ءسوز. انت بەرۋ كۇنىن ورتالىق سايلاۋ كوميسسياسى بەلگىلەيدى.
ايتا كەتسەك، ورتالىق سايلاۋ كوميسسياسىنىڭ الدىن الا قورىتىندىسى بويىنشا قاسىم-جومارت توقايەۆ 70،76% داۋىس جيناپ، كەزەكتەن تىس پرەزيدەنت سايلاۋىندا جەڭىسكە جەتتى.
پىكىر قالدىرۋ