قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ «ماڭعىستاۋ» كەمەسىنىڭ ەكيپاجى تامىز ايىندا ءازىربايجان ەلىنىڭ كاسپيي تەڭىزى اكۆاتورياسىندا وتەتىن حالىقارالىق ارميالىق ويىندارعا دايىندالۋدا.

«تەڭىز كۋبوگى» سايىسىندا قازاقستان قارۋلى كۇشتەرىنىڭ نامىسىن «ماڭعىستاۋ» كەمەسى قورعايتىن بولادى. ونىڭ قۇرامىنا 65 اسكەري قىزمەتشى كىرەدى. ولار سايىستىڭ ءۇش تۇرىنە قاتىساتىن بولادى، ول كەمەنىڭ ماقساتى بويىنشا قولدانىلۋى (ارتيللەريالىق وقپەن اتىس)، كەمەنىڭ ساقتالۋى ءۇشىن كۇرەس جانە تەڭىز ماشىقتىلىعى مەن قۇتقارۋ جۇمىستارى سايىسى.

وسى كۇندەرى، «ماڭعىستاۋ» كەمەسىنىڭ ەكيپاجى اۋەدەگى، تەڭىزدەگى نىسانالار بويىنشا اتىس جاتتىعۋلارىن جۇرگىزىپ، ءجۇزىپ جۇرگەن مينالارعا قارسى تۇرۋ بويىنشا دايىندىقتار جۇرگىزۋدە. ءاربىر جاتتىعۋ سايىن، جەكە قۇرام ءوز بىلىكتىلىگى مەن ۇيلەسىمدىلىگىن ارتتىرىپ، تاجىريبەلەرىن ارتتىرۋدا.

اتالمىش سايىسقا قاتىسۋعا كاسپيي ماڭى ەلدەرىنىڭ سۋ سىيىمدىلىعى 1000 توننادان اسپايتىن كىشى كەمەلەرىنىڭ قاتىسۋىنا رۇقسات ەتىلگەن. شارت بويىنشا، ولاردىڭ ارتيللەريالىق جانە اتىس قارۋلارىمەن قوسا، قۇتقارۋ شارالارىن ورىنداۋ ءۇشىن كىشى كولەمدەگى ءجۇزۋ قۇرالدارى (كاتەر، شليۋپكا) بولۋى ءتيىستى. بۇل رەسەي فەدارسياسى، يران يسلام رەسپۋبليكاسى، ءازىربايجان رەسپۋبليكاسى مەن قازاقستان رەسپۋبليكاسى قارۋلى كۇشتەرىنىڭ كەمەلەرىنە قاتىسۋىنا مۇمكىندىك بەرەدى.

ەستەرىنە سالا كەتسەك، «تەڭىز كۋبوگى-2019» (اسكەري بياتلون) سايىسى 2019 جىلعى حالىقارالىق ارميالىق ويىنداردىڭ باعدارلاماسىنا ەنگەن جانە وسى سايىسقا قازاقستان قارۋلى كۇشتەرىنىڭ اسكەري-تەڭىز كۇشتەرى قاتىساتىن بولادى.