مامىر ايىندا ماڭعىستاۋ وبلىسى بويىنشا مەديسينالىق ساقتاندىرۋ قورىنا 459 ملن تەڭگە شاماسىندا جارنا تۇسكەن، ال رەسپۋبليكا بويىنشا تۇسكەن جارنا كولەمى 9،5 ملرد تەڭگەدەن اسادى. بۇل تۋرالى مەديسينالىق ساقتاندىرۋ قورىنىڭ ماڭعىستاۋداعى فيليالى حابارلادى.

-مامىر ايىندا ماڭعىستاۋدان تۇسكەن قاراجاتتىڭ 458 ملن تەڭگەسىن – جۇمىس بەرۋشىلەر، قالعان 247 مىڭ تەڭگەگە جۋىعىن  جەكە كاسىپكەرلەر مەن اقك نەگىزىندە ەڭبەك ەتەتىن سانات اۋدارعان، - دەيدى ءامسق فيليالى ديرەكتورىنىڭ ورىنباسارى كەريمبايەۆا جانەتتا نۇربەرگەن قىزى.

         جۇيە ىسكە قوسىلعان 2017 جىلدىڭ 1 شىلدەسىنەن 2019 جىلدىڭ 31 مامىرىنا دەيىنگى ارالىقتا ماڭعىستاۋ وبلىسىنان  جيناقتالعان جارنانىڭ جالپى سوماسى 9،014 ملرد  تەڭگەنى قۇرادى. ال رەسپۋبليكا بويىنشا  2017 جىلدىڭ 1 شىلدەسىنەن 2019 جىلدىڭ 31 مامىرىنا دەيىنگى ارالىقتا جيناقتالعان جارنانىڭ جالپى سوماسى 176،7 ملرد تەڭگە بولىپ وتىر. ايماقتىق تۇرعىدان العاندا، جارنا تولەۋ جاعىنان بۇرىنعىشا الماتى، استانا قالالارى مەن قاراعاندى وبلىسى كوش باستاپ تۇر. ماڭعىستاۋ وبلىسى 7ء-شى ورىندا.

جيناقتالعان قارجى ۇلتتىق بانكتە ساقتالادى. بولاشاقتا ءمامس پاكەتى شەڭبەرىندەگى قىزمەتتەر اقىسىن تولەۋگە جۇمسالادى. ەلىمىزدىڭ باس بانكىمەن قارجىنى سەنىمگەرلىك باسقارۋ تۋرالى كەلىسىم بەكىتىلگەن.

مىندەتتى الەۋمەتتىك مەديسينالىق ساقتاندىرۋ جۇيەسى 2020 جىلدىڭ 1ء-شى قاڭتارىنان باستاپ ەنگىزىلەدى.