قازاقستان پرەزيدەنتى قاسىم-جومارت توقايەۆ سەرىكباي تۇرىموۆتى ماڭعىستاۋ وبلىسىنىڭ اكىمى ەتىپ تاعايىندادى دەپ جازادى Qamshy.kz اقپارات اگەنتتىگى. بۇل تۋرالى 13 ماۋسىمدا اقوردا سايتى حابارلادى.
1964 جىلى تۋعان تۇرىموۆ 2012-2015 جىلداعى جاڭاوزەن قالاسىنىڭ، 2015 جىلدىڭ شىلدەسىنەن 2017 جىلدىڭ قاراشاسىنا دەيىن اقتاۋ قالاسىنىڭ اكىمى قىزمەتىن اتقارعان. ال 2017 جىلدىڭ 31 قازانىنان باستاپ ماڭعىستاۋ وبلىسى ماسليحاتىنىڭ دەپۋتاتى بولعان. ماماندىعى - ينجەنەر-قۇرىلىسشى.
ماڭعىستاۋ وبلىسىن بۇعان دەيىن ەرالى توعجانوۆ باسقارعان.
13 ماۋسىمدا قازاقستان پرەزيدەنتى قاسىم-جومارت توقايەۆ التاي كولگىنوۆتى استانا قالاسى اكىمى ەتىپ تاعايىنداۋ تۋرالى جارلىققا قول قويعان. كولگىنوۆ بۇعان دەيىن باتىس قازاقستان وبلىسى اكىمى بولعان. توقايەۆتىڭ جارلىعىمەن كولگىنوۆتىڭ ورنىنا عالي ەسقالييەۆ باتىس قازاقستان وبلىسى اكىمى بولىپ تاعايىندالدى.
پىكىر قالدىرۋ