بەرمۋد ءۇشبۇرىشى- تاڭعاجايىپ وقيعالار ورىن الاتىن مۇحيتتاعى اۋماق. تاڭعاجايىپتىلىعى الدىمەن اۋا- رايىندا بولسا كەرەك. مۇندا اسپاندا كادىمگى اقشا بۇلتتان نايزاعاي پايدا بولسا، ال مۇحيتتا لەزدە پايدا بولىپ، سوسىن عايىپ بولاتىن سۋ قۇيىنى بولادى. سونىمەن قاتار مۇندا الىپ سۋ يىرىمدەرى(رينگتەر) دە بار. ال ەكىنشى ءبىر تاڭقالارلىعى بەرمۋد ءۇشبۇرىشىنا بارعان نەمەسە ءۇشبۇرىشتىڭ ماڭايىنان وتكەن كەز كەلگەن تەحنيكا جوق بولىپ كەتەدى. مۇندا بارعان جۇزدەگەن ۇشاقتار مەن مىڭداعان كەمەلەر اپاتقا ۇشىراعان. بۇل جەرگە اسپاندا ۇشىپ ۇشاق بارسا دا، ۇستىمەن ءجۇزىپ كەمە وتسە دە، امان شىقپايتىن كورىنەدى. بەرمۋد ءۇشبۇرىشىندا راسيا سياقتى حابار بەرەتىن قۇرالدار دا ىستەن شىعىپ قالاتىنىن ايتا كەتۋ كەرەك. تاعى دا ءبىر قىزىعى مۇندا قۇلاعان ۇشاقتار مەن كەمەلەردىڭ قالدىقتارى، ءتىپتى كەمە ىشىندە ادامدارمەن بىرگە بولعان جانۋارلاردىڭ (يت، مىسىق) مايىتتەرى تابىلعانىمەن، ادامداردىڭ ءمايىتى جوق. ءيا، ءيا ادامداردىڭ ءمايىتى ءىزىم-عايىم جوق. جوق بولسا سوندا قايدا كەتكەن؟ جالپى نەگە وسى بەرمۋد ۇشبۇرىشىندا وسىنداي الابوتەن وقيعالار ورىن الادى؟ ادامزات ورىن تەپكەن جەر عالامشارىندا ورنالاسقان بۇل مەكەننىڭ قانداي قۇپياسى بار؟ مامانداردىڭ بەرگەن جاۋابى قانداي؟ وسى تىلسىم مەكەن تۋرالى ءدىن نە دەيدى؟
ءى بولجام.
تەڭىز تابانىنىڭ گەودەزيالىق ەرەكشەلىكتەرىنە بايلانىستى. سولتۇستىك پەن وڭتۇستىكتەن كەلەتىن مۇحيتتاعى اعىندار بەرمۋد ءۇشبۇرىشىندا ۇلكەن تۇيىقتىقتىڭ تۋۋىنا جول اشادى. ال وسى تۇيىقتىقتان مۇحيتتا قالىڭ مۇكتەر قالىپتاسىپ، كەمەلەردىڭ قوزعالىسىنا اسەر ەتەتىن كورىنەدى. سونىمەن قاتار وسى مۇكتەردىڭ اسەرىنەن الىپ تولقىندار كوتەرىلىپ، ۇشاقتاردى قۇلاتادى.
ءىى بولجام.
مۇحيت بەتىندەگى قاتتى اعىستار ناتيجەسىندە ۇلكەن ۇيىقتار پايدا بولادى. ماماندار مۇنداي ۇيىقتاردى «كوك قۇردىمدار» دەپ تە اتايدى. «كوك قۇردىمدار» الاي-دۇلەي اشۋىن كورسەتكەندە، جانىنا جۋىعان ۇشاقتى دا، كەمەنى دە امان قويمايتىن كورىنەدى.
ءىىى بولجام.
مەريديان سىزىقتارىنىڭ ەرەكشەلىكتەرىنە بايلانىستى. ماسەلەن، 80 مەريديان سىزىعى بەرمۋد ءۇشتاعانى ورنالاسقان جەردى كەسىپ ءوتىپ، سولتۇستىك پوليۋستەن وتكەندە، 150 مەريديانعا اينالىپ، جاپون ارالدارىنىڭ ماڭىنان وتەدى. جالپى، بەرمۋد ءۇشتاعانى سەكىلدىقۇپيا جەر ءولى تەڭىز ايماعىنداعى جاپون ارالدارى توڭىرەگىندە دە بار كورىنەدى. وسىعان قاراپ ماماندار كەيبىر مەريديان سىزىقتارىنىڭ وتەتىن جەرلەردە تىلسىم مەكەندەر بولاتىنىن ءتىپتى مۇنداي مەكەندەردىڭ سانى التىعا جەتەتىنىن العا تارتادى.
IV بولجام.
جۇزگەن كەمەلەر مەن ۇشقان ۇشاقتاردى قيراتاتىن ۇشاتىن تاباقشالار دەگەندى ايتادى.
V بولجام.
تەڭىز تۇبىندەگى ورگانيكالىق زاتتاردان شىعاتىن مەتان گازى تەڭىز سۋىنىڭ حيميالىق قۇرامىن وزگەرتىپ، سۋ قۇرامىنىڭ تىعىزدىعىن ەڭ تومەنگى شاماعا دەيىن ازايتادى. ناتيجەسىندە «مەتان قۇدىعى» تۇزىلەدى. «مەتان قۇدىعى» ايماعىنا كەمەلەر ەنگەندە، جۇزە الماي سۋعا باتىپ كەتەدى. ال تەڭىزدەن اۋەگە كوتەرىلگەن مەتان گازى اۋەدە «مەتان ءدالىزىن» ءتۇزىپ ۇشاقتاردىڭ قۇلاۋىنا اسەر ەتەدى.
سونىمەن مامانداردىڭ پىكىرىن بەردىك. ال ەندى ماسەلەنىڭ ەكىنشى ءبىر جاعىنا نازار اۋدارساق. بەرمۋد ءۇشبۇرىشى جايلى ءدىن نە دەيدى؟
Islamforum.ru سايتىندا وسى ماسەلە جايلى موللا فەتۋللاح گۇلەننىڭ «پريزما» اتتى شىعارماسىن نازارعا ۇسىنعان. سودان كەيبىر مالىمەتتەر كەلتىرەتىن بولساق ...
ادامزاتتىڭ اسىل ءتاجى ارداقتى پايعامبارىمىز (س.ا.س.): « شايتاننىڭ تاعى تەڭىزدىڭ بەتىندە سالتانات قۇرعان»- دەگەن ءحاديسى بارى بەلگىلى. پايعامبارىمىز ..... پايعامبارىمىز تەڭىز دەپ جالپىلاما اتاعاندىقتان، جەر بەتىندەگى «كەيبىر تەڭىزدەردىڭ» نازارعا ىلىككەنىن نەمەسە ءبازبىر تەڭىزدەردە شايتاننىڭ تاق قۇرعانىن ۇعامىز. سوندىقتان، جىن مەن شايتاننىڭ تايپالارى مۇنداي مەكەندەرگە «بيلىك جۇرگىزىپ»، كەمەلەر مەن ۇشاقتاردىڭ ەلەكتروندى قۇرالدارىن ىستەن شىعارىپ، اپاتقا ۇشىراۋىنا سەپ بولۋى بەك مۇمكىن. جىندار مەن شايتاندار «وت» پەن «تۇتىننەن» جاراتىلعاندىقتان، كۇننەن كەلەتىن رادياسيالىق تولقىنداردىڭ توتەسىنەن شارپىعانىنداي، ەلەكتروندى قۇرال-جابدىقتاردى تاس-تالقان ەتىپ، سول ارقىلى تەحنيكالىق قۇرىلعىنى ىستەن شىعارۋى دا مۇمكىن
جارايدى سولاي دەلىك.
ال ادامداردىڭ ءمايىتىنىڭ ءىزىم-عايىم جوق بولۋىنا نە سەبەپ؟
وسى بەرمۋد ءۇشبۇرىشى جايلى سوڭعى دەرەكتەردە 90 جىل بۇرىنعى كەمە قايتىپ كەلدى دەگەندى ايتۋدا. ال ودان بۇرىنعى دەرەككە سۇيەنسەك، بۇل جەردە پيراميدالار تابىلعان ەدى عوي. پيراميدا! مىنە، قىزىق! پيراميدالار تابيعات اپاتىنان پايدا بولمايتىندىعى بەلگىلى. دەمەك، پيراميدانى بىرەۋلەر سالعان. ولاي بولسا مۇندا ەرتەرەكتە وركەنيەت بولعان بولۋ كەرەك. ەگەر وركەنيەت بولسا، وندا ولار ءقازىر قايدا؟! كىمدەر بولۋى مۇمكىن؟
پيراميدا – اتلانتيدا جۇرتشىلىعىنىكى بولۋى مۇمكىن. پلاتون ءوزىنىڭ جازبالارىندا ءوزىنىڭ ءومىر سۇرۋىنەن 900 جىل بۇرىن اتلانتيدا دەگەن حالىقتىڭ بولعاندىعىن جازعان. ولاردىڭ كۇشتى تابيعات اپاتىنان جويىلعاندىعىن جازىپ كەتكەن ەكەن. وسى ورايدا ءبىر ويلانارلىق ماسەلە بار.
نەگە ءبىر حالىق ءتۇپ تامىرىمەن جويىلىپ كەتكەن؟ جاراتۋشىنىڭ رۇقساتىنسىز شىبىننىڭ قاناتى دا تۇسپەيتىنىن ەسكەرسەك، بۇتىندەي ءبىر حالىقتىڭ جويىلىپ كەتۋى تەگىن ەمەس. ەرتەرەكتە جاراتۋشىنىڭ امىرىرنە بوي ۇسىنباعان حالىق جەرمەك جەكسەن بولعان. وعان مىسال رەتىندە قازىرگى ءولى تەڭىزدى كەلتىرىۋگە بولادى. ءبىر كەزدەرى وسى ءولى تەڭىز ورنالاسقان جەردە وركەنيەت بولعاندىعى، ونداعى حالىقتىڭ جاراتۋشىنىڭ امىرلەرىنە بوي ۇسىنباي وپات بولىپ، كەيىن ونىڭ ورنىنا ءولى تەڭىز پايدا بولعاندىعى باسىلىم بەتتەرىندە شىققان بولاتىن. ال ءقازىر وسى ءولى تەڭىزدە بىردە ءبىر تىرشىلىك يەسى ءومىر سۇرمەيتىندىگى ايتىلادى.
وسىعان قاراپ بەرمۋد ءۇشبۇرىشى قارعىسقا ۇشىرىعان جەرلەردىڭ ءبىرى مە دەرسىڭ. وسى ماسەلەگە قاتىستى فەتۋللاح گۇلەن مىنا دەرەكتى العا تارتادى. سۇيىكتى پايعامبارىمىز (س.ا.س.) «اللاھتىڭ جازاسىنا ۇشىراعان قاۋىمنىڭ وپات بولعان جەرىنە جولاماڭدار. بارساڭدار دا جىلاپ بارىڭدار»- دەپ ەسكەركەنى بار. مۇنىڭ ماعىناسى: وپات بولعان قاۋىمعا بارعاندا اللاھقا جالبارىنىپ، سيىنىڭدار. سول ارقىلى الگى قاۋىمنىڭ باسىنا كەلگەن اپاتتان قۇتىلۋ ءۇشىن اللادان اماندىق سۇراڭدار»- دەگەنگە سايادى. اللا تاعالا وزىنە قارسى شىعىپ، كۇپىرلىك جاساپ، بۇلىك شىعارعانى ءۇشىن كوپتەگەن قاۋىمداردى جەرمەن جەكسەن ەتكەن. كەيىن وسىنداي ايماقتار شايتاننىڭ تاق قۇرعان مەكەنىنە اينالعان ەكەن.
ماسەلەن، وپات بولعان جەردە ورىن العان الابوتەن جايتتارعا قاتىستى اسكەري جورىقتار تاريحىن جازعان يبن ىسقاق ادەتتەن تىس ۇرەيلى وقيعا تۋرالى بىلاي جازادى: «پايعامبارىمىز (س.ا.س.) تابۇك جورىعىنا اتتاناردان بۇرىن: «تابۇككە بارعاندا ول جەردىڭ سۋىنان مەن ىشپەيىنشە، ءىشۋشى بولماڭدار جانە بەتالدى كەتىپ قالماڭدار. سول جەردەگى وپات بولعان قاۋىمنىڭ ورنىنا جولاماڭدار»، – دەپ بۇيىرادى. الايدا، اسكەر اراسىنان ەكى ادام وسى بۇيرىقتى ورىنداماي اپاتقا ۇشىراعان قاۋىمنىڭ ءولى جۇرتىنا باس سۇعادى. بارعان جەردە كەنەتتەن قورقىنىشتى قارا قۇيىن كوتەرىلىپ، الگىلەردىڭ ءبىرىن ءبىرتالاي جەرگە دەيىن شىر-كوبەلەك اينالدىرىپ، سۇلاتىپ سالادى. ال، جانىنداعى جولداسى ۇشتى-كۇيلى جوعالىپ كەتەدى.
وسىلارعا قاراپ وتىرىپ ءدال وسى بەرمۋد ءۇشتاعانى جايلى ءدىنتانۋشى عالىم مۇحيددين يسا ۇلىنىڭ پىكىرىن سۇراعان ەدىك. ول كىسى بىلاي دەپ جاۋاپ بەردى. «تۋراسىن ايتسام، ءوز باسىم بەرمۋد دەگەننىڭ(بەرمۋد ءۇشتاعانى) سولاردىڭ (شايتانداردىڭ ، جىنداردىڭ) ورداسى ەكەنىنە 95% سەنەمىن. حاديستە دە سوعان اشىق يشارات ەتەدى. ونىڭ ۇستىنە جەر بەتىنە ادامدار كەلمەي تۇرىپ جىنداردى سول تەڭىزگە قاراي قۋعاندىعى ايتىلادى.»
ەجەلگى اتلانتيدا حالقىنىڭ وپاتقا ۇشىراۋى ، ال بەرمۋد ءۇشتاعانى سول اتلانتيدا جۇرتى ءومىر سۇرگەن ايماقتا ورنالاسۋى ويلانارلىق جايت ەمەس پە؟
قانيا تابىس
پىكىر قالدىرۋ