اتاقتى "دوس-مۇقاسان" ءانسامبلىنىڭ ءسوليستى ءارى جەتەكشىسى مۇرات قۇسايىنوۆتىڭ ۇستىنەن قىلمىستىق ءىس قوزعالدى دەپ حابارلايدى Qamshy.kz اقپارات اگەنتتىگى.

مۇرات قۇسايىنوۆ 378-باپتىڭ 1-تارماعى بويىنشا "بيلىك وكىلىن بالاعاتتاعانى" ءۇشىن ايىپتى دەپ تانىلدى. اتاقشى انشىگە قاتىستى سوت وتىرىسى 20 ماۋسىمعا بەلگىلەنگەن. سوت ءىسى نۇر-سۇلتان قالاسى، ەسىل اۋداندىق №2 سوتىندا وتەدى.

ەستەرڭىزگە سالا كەتەيىك، ءانشىنىڭ قاتىسۋىمەن بولعان وقىس وقيعا 14ء-ساۋىر كۇنى "نۇر-سۇلتان – الماتى" باعىتىنا قاتىنايتىن كس 852 ۇشاعىندا ورىن العان. ۇشاققا وتىرعىزۋ بارىسىندا مۇرات قۇسايىنوۆ قاتتى سويلەپ، بەيادەپ سوزدەر ايتقان. ءانشىنىڭ ادەپتەن اتتاپ تۇرعانى ءۇشىن اۋە كومپانياسىنىڭ قىزمەتكەرى ونى ۇشاققا وتىرعىزۋدان باس تارتادى. سول كەزدە بەلگىلى ءانشى ونىڭ جاعىنان قاتتى سوققى جاساپ، دەنساۋلىعىنا زيان كەلتىرگەن-مىس.