وسىمەن ەكىنشى جىل قاتارىنان قالا اكىمدىگىنىڭ ۇيىمداستىرۋىمەن وتكەن شاراعا 1000- عا جۋىق ادام قاتىستى.
"تۇنگى مارافونعا قاتىسۋشىلاردىڭ كوبى جاستار. دەگەنمەن ەگدە جاستاعى قاتىسۋشىلار دا از ەمەس. سونىڭ ءبىرى 51 جاستاعى اجار اليماقانوۆا جۇگىرۋدى ادەتكە اينالدىرعان، تۇراقتى قاتىسۋشى بولىپ تابىلادى. وسىنداي سپورتتىق شارالار ارقىلى جاستاردى سالاۋاتتى ءومىر سالتىن ۇستانۋعا شاقىرا الامىز. وتكىزىلىپ جاتىرعان مارافون الداعى ۋاقىتتا دا جالعاسىن تابا بەرمەك"،- دەيدى "Atyrau Marathone-2019" ۇيىمداستىرۋ كوميتەتىنىڭ ۆيسە-پرەزيدەنتى يۋريي پونوماريەۆ.
تۇنگى مارافون 4،5 كم-گە قاشىقتىقتى قامتىدى. بارلىق قاتىسۋشىلارعا مارە الدىندا نەون بىلەزىكتەرى، ال مارەگە جەتكەن سوڭ ەستەلىك مەدالدار مەن سەرتيفيكاتتار بەرىلدى. ەرلەر مەن ايەلدەر اراسىندا ۇزدىك كەلگەن 5 قاتىسۋشىعا ارنايى سىيلىقتار تابىس ەتىلدى.
ءىس-شارا سوڭىندا تۇنگى مارافون ۇيىمداستىرۋشىلارى ەڭ كرەاتيۆتى جانە «ەڭ جارقىراعان كيىمدى» تاڭدادى. حوككەيشى، پوكەمون جانە سولدات كەيپىندە كيىنىپ كەلگەن تۇرعىندار ۇزدىك دەپ تانىلدى.
ايتا كەتەيىك، شىلدە ايىندا داستۇرگە اينالعان "ەكو مارافونى" وتەتىن بولادى.
پىكىر قالدىرۋ