پوليسەيلەر الماتىلىقتاردى قازاقستاندا تىيىم سالىنعان ەكسترەميستىك دۆك قوزعالىسىنىڭ رۇقسات ەتىلمەگەن ميتينگتەرىنە قاتىسپاۋعا شاقىرادى، دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
"قۇقىق قورعاۋ قىزمەتتەرى ونداي كۇماندى شارالارعا قاتىسپاۋعا شاقىرادى. ول شارالارعا رۇقسات بەرىلمەگەن. ەگەر كوشەگە شىققانداردىڭ اراسىندا جۇرمەسە – قاراپايىم حالىقتىڭ قاۋىپتەنەتىن ءجونى جوق"، – دەدى الماتى پوليسيا دەپارتامەنتىنىڭ رەسمي وكىلى سالتانات ازىربەك.
ميتينگكە قاتىسۋ ءۇشىن ەمەس، كوشەدە ءجاي جۇرگەن قالا تۇرعىندارى بايقاۋسىزدا ۇستالىپ قالعان جاعدايدا نە ىستەۋ كەرەك؟
"ادامدار قانداي جاعدايدا ۇستالادى؟ زاڭ تالاپتارىنا قايشى، پوليسيا قىزمەتكەرلەرى جۇرمە، شىقپا دەگەن جەرلەرمەن ادەيى وتەتىندەر ۇستالادى. كەزدەيسوق ادامدار ۇستالمايدى. ۇستالىپ جاتقان جاعدايدا، ءاتى-جونى انىقتالعاننان كەيىن ءاربىر جاعدايدا پوليسيا كەشىرىم سۇراپ، بوساتادى"، – دەدى سالتانات ازىربەك.
پىكىر قالدىرۋ