تاتارستاننىڭ قازان قالاسىنان اباي قۇنانباي ۇلىنىڭ قارامولا جارعىسىنىڭ ءتۇپنۇسقا كىتابى تابىلدى. اسا قۇندى جادىگەردى ەلگە «جيدەباي-بورىلى» مەملەكەتتىك قورىق-مۋزەيىنىڭ قىزمەتكەرلەرى الىپ كەلدى دەپ حابارلايدى Qamshy.kz اقپارات اگەنتتىگى.
ەستەرىڭىزگە سالا كەتەيىك، بۇل كىتاپ 1886 جىلى قازانداعى يمپەراتورلىق ۋنيۆەرسيتەتتىڭ باسپاحاناسىنان باسىلىپ شىققان. وندا 1885 جىلى ابايدىڭ توبە بي بولعان قارامولا سەزىندە قابىلداعان جارعىسى قادىم جازۋىمەن جازىلعان. «قارامولا جارعىسى» نەگىزىنەن ءحىح عاسىرداعى ادام قۇقىقتارىنىڭ ساقتالۋى مەن بوستاندىعىن قامتىعان. سول كەزدەگى قازاق اراسىندا كەڭىنەن تارالعان اتالمىش ەڭبەكتى ابايدىڭ ءوزى قۇراستىرىپ شىققان.
ابايدىڭ «جيدەباي-بورىلى» قورىق-مۋزەيىنىڭ باسپا ءسوز قىزمەتى ۇسىنعان دەرەكتەرگە سۇيەنسەك، كىتاپتىڭ قازىرگى گرافيكاعا اۋدارىلعان نۇسقاسى بۇرىننان بار بولعانمەن ءتۇپنۇسقاسى نەمەسە كوشىرمەسى قولعا تۇسپەگەن. ەندى مىنە سول ولقىلىقتىڭ ورنى تولىپ وتىر. قازاننان تابىلعان قۇندى مۇرا وسى ۋاقىتقا دەيىنگى اۋدارمالاردى تۇپنۇسقامەن سالىستىرۋعا جانە جان-جاقتى زەرتتەۋگە مۇمكىندىك بەرەدى.
پىكىر قالدىرۋ