بۇگىن ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلباسى تاپسىرماسى بويىنشا ازىرلەنگەن شىمكەنت قالاسىن دامىتۋدىڭ 2023 جىلعا دەيىنگى كەشەندى جوسپارى قارالدى دەپ حابارلايدى Qamshy.kz اقپارات اگەنتتىگى.

شىمكەنت قالاسىن دامىتۋدىڭ كەشەندى جوسپارىنىڭ نەگىزگى باعىتتارى مەن ءىس-شارالارى تۋرالى قالا اكىمى عابيدۋللا ءابدىراحىموۆ باياندادى. كەشەندى جوسپاردا 10 باعىت بويىنشا 89 ءىس-شارانى ىسكە اسىرۋ قاراستىرىلعان.

"بيۋدجەتكە جۇكتەمەنى ازايتۋ ءۇشىن جەكە ينۆەستيسيالار مەن مەملەكەتتىك-جەكەشەلىك ارىپتەستىككە بارىنشا نازار اۋدارىلدى. ماسەلەن، ەگەر جوسپاردى ىسكە اسىرۋ ءۇشىن 1 284 ملرد تەڭگە قاجەت بولسا، ونىڭ 836 ملرد تەڭگەسى جەكە ينۆەستيسيالار ەسەبىنەن ىسكە اسىرىلادى، 68،1 ملرد تەڭگەسىن مەملەكەتتىك-جەكەشەلىك ارىپتەستىك ارقىلى جۇزەگە اسىرۋ كوزدەلگەن"، - دەدى شىمكەنت قالاسىنىڭ اكىمى.

شىمكەنت قالاسىن دامىتۋدىڭ 2023 جىلعا دەيىنگى كەشەندى جوسپارى قالاعا جاڭا دامۋ سەرپىنىن بەرۋگە باعىتتالادى. 2023 جىلدىڭ قورىتىندىسى بويىنشا جوسپاردى جۇزەگە اسىرۋ كەلەسى كورسەتكىشتەرگە قول جەتكىزۋدى قامتاماسىز ەتەدى:

ورتالىقتاندىرىلعان سۋمەن جابدىقتاۋعا قول جەتكىزۋى 93%-دان 98%-عا دەيىن وسەدى؛

تابيعي گازبەن قامتىلۋى 92%-دان 98%-عا دەيىن وسەدى؛

قاناعاتتانارلىق جاعدايداعى جولداردىڭ ۇلەسى 59،4%-عا دەيىن ۇلعايادى.

قىزمەت كورسەتۋ، ونەركاسىپ، قۇرىلىس جانە ساۋدا سەكتورلارىنىڭ ۇلەسىن ارتتىرۋ كۇتىلەدى.

بۇل كولەمدى قامتاماسىز ەتۋ ءۇشىن ينۆستيسيالار دەڭگەيى 2023 جىلدىڭ قورىتىندىسى بويىنشا ءجوو 30%-نا دەيىن نەمەسە جىلىنا 10 ترلن تەڭگەگە دەيىن جەتكىزىلەدى. بۇل 2018 جىلعى كورسەتكىشپەن سالىستىرعاندا 1،8 ەسە كوپ.

"شىمكەنتتىڭ ەكونوميكالىق الەۋەتى زور. ينفراقۇرىلىمعا، ەنەرگەتيكاعا، تۋريزمگە جانە قىزمەت كورسەتۋ سەكتورىنا ءبىرشاما ينۆەستيسيا سالىنادى. مۇنىڭ ءبارى جىلىنا 5،5%-عا وڭىرلىك ەكونوميكانىڭ ناقتى ءوسىمىن قامتاماسىز ەتەدى. بۇل رەسپۋبليكالىق مانىنەن جوعارى (4،2%). ەكونوميكالىق بەلسەندىلىك تۇرعىنداردىڭ ءال-اۋقاتىن ارتتىرۋدى قامتاماسىز ەتەدى"، - دەپ تۇيىندەدى دالەنوۆ.