ال ءبىزدىڭ  1967 جىلدان بەرى كەلە جاتقان وتكەن جىلى نەگىزى قايتادان قالانعان وۆ-156/1  مەكەمەسى تەرگەۋ يزولياتورى رەتىندە جۇمىس ىستەيدى. بۇل ايىپتى دەپ تانىلىپ، كۇدىككە ىلىنگەن ازاماتتارعا ارنالعان ورىن ەكەنىن ايتا كەتكەن ءجون. تەرگەۋ يزولياتورىنا توعىتىلعاندار مۇندا شارۋاشىلىق جۇمىستارىمەن اينالىسادى. ولاردىڭ بارلىعى دا بۇل جەردە قالمايدى، ولارعا قاتىستى ءتيىستى كريتەرييلەر بار. انىعىن ايتۋ كەرەك، شارۋاشىلىق جۇمىسىن اتقاراتىندار مەرزىمدى ۋاقىتى بەس جىلعا دەيىن كەسىلگەندەر، ولار –مەكەمەدە ورتاشا قاۋىپسىزدىك دارەجەسىندە جازاسىن وتەپ جاتقاندار. ولاردى مۇندا شارۋاشىلىق جۇمىستارىنا قالدىرۋ ەڭ الدىمەن وزدەرىنىڭ كەلىسىمى بويىنشا جانە مەكەمە باسشىسىنىڭ شەشىمى بويىنشا جۇزەگە اسىرىلادى.

جازاسىن وتەپ جاتقاندارمەن تاربيە جۇمىستارى ىشكى ىستەر مينيسترلىگىنىڭ №508 بۇيرىعى بويىنشا جۇزەگە اسىرىلادى. ارينە تۇزەۋ مەكەمەسىندە ءتيىستى زاڭدىلىقتى ساقتاي وتىرىپ، ولاردىڭ ءبىلىمى مەن مادەني دەڭگەيىن كوتەرىپ، پايدالى ىستەرمەن اينالىسۋعا، ءارتۇرلى شارالارعا قاتىسۋعا بارلىق جاعداي جاسالعان.

شىعىس قازاقستان وبلىسى بويىنشا دۋيس ءبولىمى وۆ-156/1 مەكەمەسىنىڭ باسشىسى، يۋستيسيا پودپولكوۆنيگى قانات قۇماركان ۇلى ءجۇسىپوۆ زاڭ تالاپتارىن قاتاڭ ساقتاپ، سوتتالعاندارعا الەۋمەتتىك-قۇقىقتىق كومەكتىڭ جاسالۋىنا بار جاعداي جاساپ وتىر.  وۆ-156/1  مەكەمەسىندە قىلمىستىق-اتقارۋ قىزمەتىنە وراي، الەۋمەتتىك-قۇقىقتىق، ادامگەرشىلىك قاعيدالارىن ساقتاۋ باعىتىندا ارنايى ەرەجەگە سايكەس، بارلىق شارالار جاسالىنىپ تۇرادى. كۇن تارتىبىندە داعدىعا اينالعان ەرەجەگە وراي، تاڭەرتەڭگىلىك تەكسەرۋ جۇرگىزىلىپ، سودان كەيىن جازاسىن وتەپ جاتقاندار وزدەرىنە ءتيىستى جۇمىس ورىندارىنا اتتانادى. ولارعا كۇن سايىن ارنايى دارىستەر وقىلادى. ءاربىر سوتتالۋشىمەن ءوزىنىڭ جاساعان قىلمىسىنا ساي، ولاردىڭ ءارقايسىسىنىڭ  ەرەكشەلىنە وراي اڭگىمەلەسۋ وتكىزىلىپ، تاربيە جۇمىستارى جۇرگىزىلەدى.

جازاسىن وتەپ جاتقان ءاربىر سوتتالۋشىمەن ءبىزدىڭ مەكەمەنىڭ پسيحولوگتارى تۇيتكىلدى جاعدايلاردىڭ الدىن الۋ ءۇشىن جەكە اڭگىمەلەسۋ وتكىزەدى. سونداي-اق پسيحولوگتار جازا باسقاندارمەن ارنايى ترەنينگ وتكىزۋدى داستۇرگە اينالدىرعان. ولاردىڭ كوڭىل كۇيىن كوتەرىپ، مىنەزىندەگى ەموسيونالدىق جاعدايدى تومەن ءتۇسىرۋ ءۇشىن مەكەمەدە جاتتىعۋلار، ارت-تەراپيا امالدارىن پايدالانۋ ارقىلى ءارتۇرلى جاعىمدى ءىس-شارالار ۇيىمداستىرىلىپ وتىرادى.

جۇمىستىڭ قيىن ءارى كۇردەلى ەكەندىگىنە قاراماستان ءبىزدىڭ باستى ماقساتىمىز –جازا باسقانداردى زاڭدى سىيلاپ، قۇرمەتتەۋگە ۇيرەتۋ،  ادامگەرشىلىك قاعيدالارىن باستى مۇرات ەتۋ جانە بوستاندىقتا شىققان سوڭ ومىرگە قايتا بەيىمدەۋ بولىپ وتىر.

ن.ك.تاستانبەكوۆ، وۆ جانە سپرسو باسشىسى، ادىلەت كاپيتانى.