الماتى وبلىسىندا سوتتالۋشىلاردى ازاپتاۋ ءىسى بويىنشا كولونيا باسشىسىلارى جۇمىستان بوساتىلدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
"قاج كوميتەتى قىزمەتتىك تەكسەرۋ جۇرگىزىپ، سونىڭ ناتيجەسىندە ءبىز تارتىپتىك كوميسسيا وتىرىسىن وتكىزدىك. الماتى وبلىسى بويىنشا قاجك دەپارتامەنتىنىڭ 14 قىزمەتكەرى جازالاندى. ونىڭ ىشىندە جەتى قىزمەتكەر جۇمىستان بوساتىلدى. وقيعا بولعان لا 155/8 مەكەمەسىنىڭ باسشىسى قىزمەتىنەن بوساتىلدى. ونىڭ ەكى ورىنباسارى دا جۇمىستان بوساتىلدى"، - دەدى ارنايى باسپا ءسوز كونفەرەنسياسىندا.
وسىعان دەيىن الەۋمەتتىك جەلىلەردە جانتۇرشىكتىرەرلىك بەينەجازبالار پايدا بولعان-دى. بەينەجازبادان كولونيا قىزمەتكەرلەرى سوتتالۋشىلاردى سپورتزالدا ازاپتاپ جاتقانىن انىق كورۋگە بولادى. تاعى ءبىر ۆيدەودا اسكەري فورما كيگەن قىزمەتكەرلەر ەر ادامدى ءىلىپ قويعانى تۇسىرىلگەن.
پىكىر قالدىرۋ