بۇگىن جۇمىس ساپارىمەن ماڭعىستاۋعا «الەۋمەتتىك مەديسينالىق ساقتاندىرۋ قورى» كوممەرسيالىق ەمەس اكسيونەرلىك قوعامىنىڭ باسقارما ءتوراعاسى ايباتىر جۇماعۇلوۆ كەلدى. قور باسشىسى  مەديسينالىق ساقتاندىرۋ قورىنىڭ جەرگىلىكتى فيليالى ۇيىمداستىرعان سەمينارعا قاتىستى.

وبلىستىق «انا مەن بالا» پەريناتالدىق ورتالىعىندا وتكەن سەمينارعا ولكەمىزدەگى ءىرى مەديسينالىق ورتالىقتاردىڭ وكىلدەرى قاتىسىپ، مىندەتتى الەۋمەتتىك مەديسينالىق ساقتاندىرۋ پاكەتىنە ەنگەن قىزمەتتەر تۋرالى كەڭ كولەمدى اقپارات الدى.

ءوز كەزەگىندە ايباتىر جۇماعۇلوۆ 2020 جىلدان باستاپ دەنساۋلىق سالاسىنا ەنەتىن وزگەرىستەرگە توقتالدى.

- ماۋسىم ايىنان باستاپ، اق حالاتتىلاردىڭ جالاقىسى كوتەرىلدى.  دەگەنمەن، ءالى دە بولسا، دەنساۋلىق سالاسىندا قارجى جەتىسپەۋشىلىك بايقالادى. مەديسينالىق قىزمەتتەردىڭ تاريفتەرىنىڭ تومەندىگى تۋرالى ماسەلە بارلىق وبلىستا كوتەرىلىپ كەلەدى. سول ماسەلەنىڭ ءبىر شەشىمى رەتىندە تاياۋدا كوپشىلىك مەديسينالىق قىزمەتتەردىڭ  تاريفتەرىن ءبىرشاما كوتەردىك. ءبىز بىرتىندەپ بۇل ولقىلىقتىڭ ورنىن تولتىرۋعا جۇمىستانىپ جاتىرمىز. كەلەسى جىلى مەديسينادا 2 پاكەت بويىنشا قىزمەت كورسەتىلەدى. ساقتاندىرىلعان ازاماتتار ءوز قاراجاتىن ۇنەمدەپ، قىمبات مەديسينالىق قىزمەت تۇرلەرىن تەگىن الاتىن بولادى، - دەدى ول.

ال، مەديسينالىق ساقتاندىرۋ قورىنىڭ ماڭعىستاۋ فيليالى باسشىسى باقىت يسماحانبەتوۆ بولسا، كورسەتىلەتىن تەگىن قىزمەتكە توقتالدى.

ء-بىز حالىققا تەگىن قىزمەت كورسەتەتىن ەمدەۋ مەكەمەلەرىنە اتقارعان جۇمىسى ءۇشىن تولەنەتىن تاريف باعاسىن ءوسىرىپ وتىرمىز. بۇل مەديسينالىق قىزمەت ساپاسىن كوتەرىپ، قولجەتىمدىلىگىن ارتتىرۋ ماقساتىندا جاسالىپ وتىرعان قادامداردىڭ ءبىرى، - دەدى ول.

ەستەرىڭىزگە سالا كەتسەك، ق ر ۇكىمەتى جۋىردا 2020 جىلدان باستاپ مىندەتتى مەديسينالىق ساقتاندىرۋ جانە تەگىن مەديسينالىق كومەك پاكەتى شەڭبەرىندە كورسەتىلەتىن مەديسينالىق قىزمەتتەر تىزبەسىن بەكىتكەن بولاتىن. مەديسينالىق ساقتاندىرۋ پاكەتىنىڭ اۋقىمى تەگىن كورسەتىلەتىن كومەكتەن دە كەڭ. وعان كونسۋلتاتيۆتىك-دياگنوستيكالىق كومەك، سونىڭ ىشىندە باعاسى قىمبات بولىپ كەلەتىن زەرتحانالىق قىزمەت تۇرلەرى، تەگىن كومەك كورسەتىلمەيتىن سىرقاتتاردى دارى-دارمەكپەن قامتاماسىز ەتۋ، ولارعا جوسپارلى ستاسيونارلىق جانە ستاسيناردى الماستىراتىن كومەك كورسەتۋ، مەديسينالىق وڭالتۋ جانە پاسيەنت دەنساۋلىعىن قالپىنا كەلتىرۋگە باعىتتالعان ەم-دوم تۇرلەرى كىرەدى.