باسقوسۋدا حالىقتىڭ ءال-اۋقات دەڭگەيىن ارتتىرۋ ماسەلەلەرى جان-جاقتى تالقىلاندى. بۇگىننەن، ياعني 1-شىلدەدەن باستاپ وبلىستاعى 47 مىڭ بيۋدجەت سالاسى قىزمەتكەرلەرىنىڭ جالاقىسى 30%-عا ارتتى. وسى ماقساتتا رەسپۋبليكالىق بيۋدجەتتەن 6 ملرد.تەڭگە بولىنگەن.

سونىمەن قاتار، «باقىتتى وتباسى» جوباسى اياسىندا از قامتىلعان كوپبالالى وتباسىلارىنا 100 مىڭ تەڭگە مولشەرىندە ءبىر جولعى كومەك تولەنىپ باستادى. بۇل جوبا جىل سوڭىنا دەيىن جالعاسىن تاپپاق. سونداي-اق، 20 مىڭنان استام كوپبالالى انالار قوعامدىق كولىكتە تەگىن جۇرۋمەن قامتاماسىز ەتىلدى.

وڭىردە از قامتىلعان وتباسىلارىنان شىققان مۇگەدەك بالالار ءۇشىن وڭالتۋ شارالارىنىڭ 2ء-شى كۋرسىن تولەۋ قاراستىرىلىپ، وعان بيۋدجەتتەن 50 ملن.تەڭگە قارجى جوسپارلانعان. سونىمەن قاتار، مۇگەدەك بالالار ءۇشىن نۇر-سۇلتان جانە الماتى قالالارىنداعى رەسپۋبليكالىق كلينيكالارعا اۆيا كولىگىمەن جول اقىسىن تولەۋ قاراستىرىلعان. بۇگىنگى تاڭدا 51 بالاعا تولەم جۇرگىزىلدى. الداعى ۋاقىتتا مۇمكىندىگى شەكتەۋلى بالالار ءۇشىن ارنايى توپتار اشۋ جوسپارلانىپ وتىر.

جيىن بارىسىندا وڭىردەگى سانيتارلىق-ەپيدەميالوگيالىق جاعداي تۋرالى دا ءسوز قوزعالدى. ايتا كەتەيىك، ماڭعىستاۋ وبلىسىنىڭ اۋماعىندا 2019 جىلدىڭ 5 ايىنىڭ قورىتىندىسى بويىنشا اسا ءقاۋىپتى جانە كارانتيندى ينفەكسيالار تىركەلمەگەن. ايماق باسشىسى وسى تاراپتا وڭىردەگى تازالىقتى ءجىتى قاداعالاۋدى تاپسىردى.

شومىلۋ ماۋسىمى اشىلعالى بەرى وبلىستا بىرنەشە جاعداي ورىن العان بولاتىن. الداعى ۋاقىتتا وسى ماسەلەلەردى بولدىرماۋ، حالىقتىڭ قاۋىپسىزدىگىن نىعايتۋ ماقساتىندا ءوڭىر باسشىسى سەرىكباي وتەلگەن ۇلى تۇرعىندار كوپ جينالاتىن ورىندارعا قۇتقارۋشى توپتاردىڭ كەزەكشىلىكپەن قىزمەت ەتۋىن تاپسىردى.