اقش-تانۋشى، ساياساتكەر دميتريي باۆىرين جاقىندا عانا پرەزيدەنت كەڭسەسىنىڭ باسشىسى اندرەي بوگداننىڭ وتساتۆكاعا كەتكەنى تۋرالى حابارلاما تاراتقان بولاتىن. بۇل ۋكراينا پرەزيدەنتى ۆلاديمير زەلەنسكييدىڭ شەشىمىمەن بولعان اقش باسشىسى دونالد ترامپقا قارسى شىعۋ كەزىندە ورىن العان دەپ جازادى Qamshy.kz اقپارات اگەنتتىگى رامبلەر سايتىنا سىلتەمە جاساپ.
1-تامىز كۇنى كەشكىسىن ۋكرايندىق ب ا ق بوگداننىڭ ءوز ەركىمەن وتستاۆكاعا كەتەيىن دەپ جاتقانى تۋرالى اقپارات تاراتا باستادى. كەيىنىرەك ونىڭ ورىنباسارى رۋسلان ريابوشاپكا بۇل قاۋەسەت "بوس ءسوز" دەپ اتاپ ءوتىپ، بوگداننىڭ قارسىلاستارى ونى وتستاۆكاعا كەتىرە المايتىنىن مالىمدەدى.
باۆىرين بۇل وقيعانى ترامپتىڭ قاتىسۋىمەن بولىپ جاتقان "ۇلكەن ويىننىڭ ءبىر بولشەگى" دەپ اتادى. ونىڭ ايتۋىنشا، ترامپتىڭ كەڭەسشىسى رۋدولف دجۋلياني بوگدانعا ءتىس قايراپ جۇرگەن.
زەلەنسكييدى ۇلىقتاۋ راسىمىنە ءبىر اپتا قالعان كەزدە دجۋلياني كييەۆكە ۇشامىن دەپ ويلاعان، ءبىراق سوڭعى ساتتە شەشىمىنەن باس تارتىپ پرەزيدەنتتىڭ توبىن سىنعا الدى. ونىڭ ويىنشا ترامپقا قارسى كۇش قۇرعاندار سول توپتىڭ ىشىندە بار ەكەن-مىس.
پىكىر قالدىرۋ