اعىمداعى جىلدىڭ 3-28 شىلدە كۇندەرى ارالىعىندا جىلىوي اۋدانىنا قاراستى اقكيىزتوعاي اۋىلىندا جانە قۇلسارى قالاسىنىڭ قاراستى جادىراسىن ىقشام اۋدانىندا 11 باس تۇيە شىعىن بولعان بولاتىن. شىعىن بولعان ساتەن باستاپ، ساراپتاما جاسالدى. ساراپتاما ناتيجەلەرى وبلىستىق ۆەتەرينارياباسقارماسىنا تاپسىرىلىپ، قورىتىندىسى شىقتى. مامانداردىڭ ايتۋىنشا، جۇقپالى اۋرۋلاردىڭ ەشقانداي بەلگىلەرى جوق.
– تۇيەلەر جايىلاتىن جايىلىمدارداعى جەم-شوپتەردەن جانە جەم وزەنىنەن ساراپتاما الىندى. قورىتىندىسى بويىنشا نورمادان ەشقانداي اۋىتقۋشىلىق جوق. ال، تۇيە ولىكسەسىن پوتولوگيالىق-اناتوميالىق جارىپ سويۋ ناتيجەسىندە كومەكەي قۋىسىنان كوپ مولشەردە قۇرتتاردىڭ بار ەكەنى انىقتالدى. ۆەتەرينارلار بۇل سەفالوپينوز دەگەن اۋرۋ دەپ قورىتىندىعا كەلدى، – دەيدى اتىراۋ وبلىستىق ۆەتەريناريا باسقارماسىنىڭ باسشىسى ازامات ايتقالييەۆ.
بۇگىنگى كۇنگى مالىمەت بويىنشا، اۋداندا 9720 تۇيە بار. بارلىق تۇيەلەرگە پارازيتتەرگە قارسى دارى-دارمەكتەر بەرىلىپ، وڭدەۋ جۇمىستارى جۇرگىزىلىپ جاتىر.
پىكىر قالدىرۋ