بۇگىن 12-تامىز كۇنى پرەزيدەنت قاسىم-جومارت توقايەۆتىڭ جارلىعىمەن قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى جۇمىستان بوساتىلدى دەپ جازادى Qamshy.kz اقپارات اگەنتتىگى اقورداعا سىلتەمە جاساپ. 

"مەملەكەت باسشىسىنىڭ جارلىعىمەن ەرمۇحامەت قابيدەن ۇلى ەرتىسبايەۆ قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن، تمد جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋدان بوساتىلدى"،- دەلىنگەن جارلىقتا.

ەرمۇحامەت قابيدەن ۇلى ەرتىسبايەۆ قاراعاندى مەملەكەتتىك ۋنيۆەرسيتەتىن بىتىرگەن. ساياساتتانۋ عىلىمدارىنىڭ دوكتورى، پروفەسسور. اعىلشىن ءتىلىن مەڭگەرگەن.

جۇمىس تاجىريبەسىن 1978 جىلى جەزقازعان پەداگوگيكالىق ينستيتۋتىنىڭ اسسيستەنتى بولىپ باستاعان. كەڭەس اسكەرى قاتارىندا اسكەري قىزمەت وتەگەن. لومونوسوۆ اتىنداعى ممۋ-دە ماشىقتانۋشى-وقىتۋشى بولىپ قىزمەت اتقارعان، سوندا اسپيرانتۋرانى ءبىتىرىپ، ديسسەرتاسيا قورعاعان. ساياسات تاريحى كافەدراسىنىڭ مەڭگەرۋشىسى بولعان. بىرنەشە مونوگرافيالار مەن جۇزدەگەن عىلىمي جانە پۋبليسيستيكالىق ماقالالاردىڭ اۆتورى.

1990—94 جىلدارى رەسپۋبليكا جوعارى كەڭەسىنىڭ دەپۋتاتى بولدى.

1994—98 جىلدارى قازاقستاننىڭ سوسياليستىك پارتياسى ساياسي اتقارۋ كوميتەتىنىڭ حاتشىسى بولىپ سايلاندى.

1994—98 جىلدارى قازاقستان رەسپۋبليكاسى پرەزيدەنتىنىڭ كەڭەسشىسى

1998—2002 جىلدارى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى.

2000 جىلى مەملەكەت باسشىسى اكىمشىلىگىنىڭ ءبولىم مەڭگەرۋشىسى بولىپ جۇمىس ىستەدى.

2002 جىلى قازاقستان رەسپۋبليكاسى پرەزيدەنتىنىڭ كەڭەسشىسى.

2006 جىلى قاڭتار ايىنان باستاپ ق ر مادەنيەت، اقپارات جانە سپورت ءمينيسترى.

2006—08 جىلدارى ق ر مادەنيەت جانە اقپارات ءمينيسترى.

2008 جىلى مامىر ايىنان قازاقستان رەسپۋبليكاسى پرەزيدەنتىنىڭ كەڭەسشىسى

2013 جىلدىڭ ءساۋىر ايىندا قازاقستاننىڭ گرۋزياداعى ەلشىسى بولىپ، 2017 جىلدىڭ قاراشا ايىنان باستاپ قازاقستاننىڭ بەلارۋس رەسپۋبليكاسىنداعى ەلشىسى قىزمەتىن اتقاردى.