شامالعانداعى جولاۋشىلار پويىزى مەن اۆتوبۋستىڭ اپاتىنان كەيىن تۇرعىندار بۇل تەمىرجول وتكەلىنىڭ ورنىنا كوپىر سالىنۋى كەرەك ەدى دەگەن تالابىمەن جولدى جاپقان بولاتىن. جولدار قۇرىلىسىنا جاۋاپتى مينيسترلىكتىڭ باسشىسى رومان سكلياردىڭ ايتۋىنشا، بۇل جەرگە «كوپىر سالۋ  بيۋدجەتكە سالماق تۇسىرەدى» دەپ جازادى Qamshy.kz اقپارات اگەنتتىگى azattyq-ruhy.kz سايتىنىڭ دەرەگىن نەگىزگە الىپ. 

«بۇل تەمىرجول بەكەتىنەن كۇنىنە 65 پويىز وتەدى. ال، جەڭىل كولىڭتىڭ كۇنىنە 10 مىڭدايى قاتىنايدى. كوپىر قۇرىلىسى كەرەك، الايدا، ول بيۋدجەتكە سالماق سالادى»، - دەيدى مينيستر. 

رومان سكليار كوپىر قۇرىلىسىن باستاۋ ءۇشىن  70-كە  جۋىق ءۇي جانە ەكى جانارماي قۇيۋ بەكەتى  ءسۇرىلۋى كەرەك دەيدى.

«بۇل جەرگە جولدار جەلىسىن (پۋتي پروۆودا) سالۋعا بولادى. الايدا، ول ءۇشىن اۆتوكولىك جولى 1،2،3- كاتەگوريالى بولۋى ءتيىس. ال، اپات بولعان جول ەكىنشى كاتەگورياعا جاتادى. كوپىر قۇرىلىسىن جوبالاۋ جۇمىستارىن كەلەسى جىلعا جوسپارلاپ وتىرمىز. ءدال وسى ماڭعا سالىنبايدى. ماسەلەن، اپات بولعان جەردەن  7 شاقىرىمدا ورنالاسقان ەلتاي ەلدى مەكەنىنىڭ تۇسىنان جول جەلىسىن سالۋ ارقىلى  پروبلەمالى ەكى وتكەلدىڭ ماسەلەسى شەشىلگەن بولاتىن. وسىنداي جۇمىستار الدا دا جالعاسادى»، - دەيدى سكليار. 

ەسكە سالايىق، كەشە كەشكىسىن الماتى ماڭىندا پويىز بەن اۆتوبۋس سوقتىعىسىپ، اپات سالدارىنان اۆتوبۋس جۇرگىزۋشى قازا تاپتى. ءۇش ادام اۋىر حالدە اۋرۋعاناعا تۇسكەن. ءقازىر توتەنشە جاعداي بويىنشا سوتقا دەيىنگى تەرگەۋ امالدارى جۇرگىزىلىپ جاتىر.