ەلدى مەكەندەردىڭ باس جوسپارىن بەلگىلەۋ مەملەكەتتىك ساياساتتىڭ باسىم باعىتى. بۇل باستاما ەلىمىزدە تاۋەلسىزدىك تاڭى اتقاننان بەرى قولعا الىنىپ، جىلدا پىسىقتالۋدا. جامبىل وبلىسى دا بۇل ۇردىستەن اينىماي، اۋداندار مەن قالالاردىڭ باس جوسپارىن بەكىتىپ، بولاشاقتىڭ ماقساتتى مىندەتىن ايقىنداۋدا، دەپ جازادى Qamshy.kz اقپارات اگەنتتىگى.  جالپى جامبىل وبلىسىندا بارلىعى 377 ەلدى مەكەن بار. ونىڭ ىشىندە 4ء-ى قالا. تۇرعىندارىنىڭ سانى 5 مىڭنان اساتىن ەلدى مەكەندەر وبلىستىق جانە اۋداندىق ماڭىزى بار قالالاردى قوسا ەسەپتەگەندە 32 (حالىق سانى 5 مىڭعا دەيىنگىلەر – 345). بۇگىنگى كۇنگە 362 ەلدى مەكەن باس جوسپارمەن جانە وڭايلاندىرىلعان نۇسقاسىمەن قامتىلعان (و.ءى. 32 - باس جوسپارمەن، 330 – وڭتايلاندىرىلعان نۇسقاسى). ەسەپتى كەزەڭدە، ياعني 2016-2019 جىلدارى 35 ەلدى مەكەننىڭ باس جوسپارى مەن وڭتايلاندىرىلعان نۇسقاسى بەكىتىلدى.

حالىق سانى 50-گە جۋىق، باس جوسپاردىڭ وڭايلاندىرىلعان نۇسقاسى ازىرلەنبەگەن 15 ەلدى مەكەن بار. وسىلاردىڭ ىشىندە 8 ەلدى مەكەن بويىنشا وڭتايلاندىرۋ جۇمىستارى جۇرگىزىلۋدە. ياعني، مويىنقۇم اۋدانىندا 4 ەلدى مەكەن حالىقتىڭ تۇرماۋىنا بايلانىستى تاراتىلادى، ت.رىسقۇلوۆ، سارىسۋ، شۋ اۋداندارى بويىنشا 4 ەلدى مەكەن جاقىن ورنالاسقان اۋىلدارعا قوسىلاتىن بولادى. -مويىنقۇم اۋدانى (كىشى-قامقالى، بايتال، گرە-21، ارال) ەلدى مەكەندەرىن اۋداننىڭ ەلدى مەكەندەر ەسەبىنەن شىعارۋ تۋرالى اۋدان اكىمدىگىنىڭ قاۋلىسى ءماسليحاتتىڭ بىرلەسكەن 24.12.2018ج № 35-9 شەشىمى قابىلدانىپ، بۇگىنگى كۇنگە وبلىس اكىمدىگى مەن وبلىستىق ءماسليحاتتىڭ بىرلەسكەن شەشىمدىرىنىڭ قاۋلى جوباسى ازىرلەنىپ، بەكىتىلىپ، جامبىل وبلىسى بويىنشا ستاتيستيكا دەپارتامەنتىنە ۇسىنىلدى؛ -سارىسۋ اۋدانى تالاس اۋىلىن ءوندىرىس اۋىلىنىڭ قۇرامىنا قوسۋ ارقىلى قونىس ساناتىنا اۋىستىرۋ جانە جارقۇدىق اۋىلىن جاڭاتالاپ اۋىلىنىڭ قۇرامىنا ەنگىزۋ تۋرالى اكىمشىلىك-اۋماقتىق قۇرىلىسىن وزگەرتۋ تۋرالى اۋدان اكىمدىگىنىڭ قاۋلىسى ءماسليحاتتىڭ بىرلەسكەن 26.11.2018ج № 40-11 شەشىم قابىلداندى؛ -ت.رىسقۇلوۆ اۋدانى رازەزد-98 اۋىلىن اقبۇلاق اۋىلدىق وكرۋگى ر.سابدەنوۆ اۋىلىنىڭ قۇرامىنا قوسۋ ارقىلى قونىس ساناتىنا اۋىستىرۋ تۋرالى اۋدان اكىمدىگىنىڭ قاۋلىسى ءماسليحاتتىڭ بىرلەسكەن 21.12.2018ج № 34-18 شەشىم قابىلداندى؛ - شۋ اۋدانى بولتىرىك اۋىلىن اقتاستى ەلدى مەكەنىنە قوسۋ تۋرالى بىرلەسكەن شۋ اۋدانى اكىمدىگىنىڭ قاۋلىسى مەن شۋ اۋداندىق ءماسليحاتتىڭ 25.12.2018ج №39-4 شەشىم قابىلداندى.

مىنە وسىلايشا ايقىندالعان باس جوسپاردىڭ ارقاسىندا ەلدى مەكەندەر بىرىكتىرىلىپ، تىرلىگى وڭتايلاندىرىلۋدا.