قۇرمەتتى،  وقىرمان وتكەن جىلدان بەرى ەلىمىزدە «سەرپىن-2050» الەۋمەتتىك  جوباسى ىسكە اسىرىلا  باستادى.  جوبا  بويىنشا 2014-2015 وقۋ  جىلىندا  ماڭعىستاۋ، قىزىلوردا، وڭتۇستىك قازاقستان،  جامبىل، الماتى وبلىستارىنان ەلىمىزدىڭ 8 وڭىرىنە 2 مىڭنان  استام  جاستار وقۋعا بارعان  بولاتىن.  بيىل  بۇل جوبا  بويىنشا جاستاردى قابىلدايتىن  وبىلستاردىڭ سانى 9-عا  جەتتى. ال،  بولىنگەن جالپى گرانت سانى  6200 بولىپ وتىر. وسىلايشا،  قازاق جاستارى اتامەكەننىڭ  شىعىس، تەرىسكەي، ورتالىق، باتىس وڭىرلەرىنە بارىپ،  ءتۇرلى كاسىپ يگەرۋگە كىرىسپەك. العاشقى تۇلەكتەر رۋدنىي       سىندى قالالاردا  قالىپ، جۇمىس تا ىستەي باستادى.  بۇل ءوز كەزەگىندە  قازاق ەلىنىڭ دامۋىنا  سەپتىگىن  تيگىزەتىن،  ەلگە قاجەت مامانداردى مولىنان دايارلاۋعا سەپتىگىن تيگىزەرى ءسوزسىز. باستىسى  زاماناۋي ءارى سۇرانىسقا يە ماماندىقتاردى الاشتىڭ بالالارى  يگەرىپ جاتىر.  جوبانىڭ ەل ءۇشىن تيگىزەر پايداسى وسى بولماق.  وسى ورايدا «سەرپىن-2050»  جوباسىنا قاتىستى جاستاردىڭ كوكەيىندە ءتۇرلى ساۋالداردىڭ بولۋى زاڭدىلىق. ءبىز سول ساۋالدارعا  تولىق جاۋاپ بەرۋ ءۇشىن  جوبانىڭ رەسپۋبليكالىق  ۇيلەستىرۋ كەڭەسىنىڭ  ءتوراعاسى مۇرات ابەنوۆتى «قامشى»  پورتالىندا  ينتەرنەت-كونفەرەنسيانىڭ  قوناعى  بولۋعا شاقىردىق.  ساۋالدارىڭىزدى جولداي بەرىڭىزدەر.