حالىق ءارتىسى ءاسانالى ءاشىموۆ شاكىرتتەرىنەن قۇرالعان «جاڭا عاسىر» تەاترى ەل ارالاۋعا شىقتى. بۇل تۋرالى ماڭعىستاۋ وبلىسىنىڭ وڭىرلىك كوممنۋيكاسيالار قىمزەتى الاڭىندا وتكەن بريفينگتە تەاتر جەتەكشىسى تالعات كۋبەكوۆ مالىمەدى.

«تەاتر ءارۋاقىتتا حالىقپەن تەاتر. قۇرىلعانىنا 1 جىل تولعان «جاڭا عاسىر» تەاترىنىڭ العاشقى ءىس-ساپارىن 362 اۋليە مەكەن ەتكەن كيەلى ماڭعىستاۋ وڭىرىنەن باستاعاندى ءجون كوردىك. ماقساتىمىز - جاس تالانتتاردى حالىقپەن تانىستىرىپ، ەلگە كورسەتۋ»،- دەدى قازاقستاننىڭ حالىق ءارتىسى ءاسانالى ءاشىموۆ.

جاس تەاتردىڭ ءبىر ەرەكشەلىگى – مۇنداعى 27 ءارتىستىڭ بارلىعى ءبىر وقۋ ورنىندا، ءبىر فاكۋلتەتتە بىرگە وقىعان كۋرستاستار. قويىلىمدارىن وزدەرى جازىپ، وزدەرى قويىپ، وزدەرى ويناپ شىعادى. بيىل عانا قۇرىلعان ۇجىم از ۋاقىتتا قورجىنىن 10 سپەكتاكلمەن تولتىرىپ ۇلگەرگەن. كاستيۋم، رەجيسسەر درامماتۋرگ اكتەرلار دا ءوز ىشىندە. بۇگىن ن. ءجانتورين ساحناسىندا جاس اكتەر ەلدار تاشكەنبايدىڭ شىعارماسىنان الىنعان «سوڭعى قوڭىراۋ» پوەتيكالىق كومەدياسىن كورەرمەنگە ۇسىنباق.

«ءقازىر 21-عاسىر عوي. بۇگىنگى كورەرمەننىڭ كوزقاراسى بولەك، ويى بولەك. سوعان لايىقتى، سوعان ساي شامامىز كەلگەنشە تىرىسىپ جاتىرمىز.  جاڭاشىل ءبىر جول ىزدەپ، ءان، بي كەيىن اكتەرلەردىڭ ءرول سومداۋ ادىستەرىنە دە وزگەرىستەر ەنگىزدىك»، - دەدى «جاڭا عاسىر» تەاترىنىڭ كوركەمدىك جەتەكشىسى تالعات كۋبەكوۆ.

كورەرمەندەرىن جاڭا قويىلىممەن قۋانتۋعا اسىققان «جاڭا عاسىر» تەاترى 17- قازان كۇنى، ساعات 12:00 دە «ارىستان پاتشا» ميۋزيكلىن، ساعات 19:00 دە «ايلاكەر جەسىر» كومەدياسىن ساحنالايدى.  ايتا كەتەيىك العاشقى ءىس-ساپارىن ماڭعىستاۋ وڭىرىنەن باستاعان تەاتر ۇجىمىنىڭ كەلەسى گاسترولدىك ساپارى اتىراۋ، اقتوبە، ورال، قىزىلوردا وبلىسىندا جالعاساتىن بولادى.