الماتى وبلىسىندا جەكە شارۋالارعا ارنالعان وقۋ سەمينارى اياقتالدى دەپ جازادى Qamshy.kz اقپارات اگەنتتىگى.

ەكى اي ىشىندە جەرگىلىكتى شارۋالار رەسەيدەن كەلگەن مامانداردان (رف، ليپەسك قالاسىندا ورنالاسقان ءسۇت بيزنەسى اكادەمياسىنىڭ وكىلدەرى) ءدارىس الىپ، ءوز بىلىمدەرىن جۇزەگە اسىرۋعا مۇمكىندىك الدى. وقۋ باعدارلاماسى اياسىندا شارۋالار مال ءوسىرۋ، ءتول الۋ، ءسۇت ءوندىرىسىن جاقسارتۋ، شيكى ءسۇتتى وتكىزۋ، زاڭمەن قاراستىرىلعان قۇقىقتىق-اكىمشىلىك ەرەجەلەر مەن تالاپتاردى ساقتاۋعا قاتىستى اقپاراتتارمەن تانىس بولدى. «فەرمەرلەر مەكتەبىندە» تەوريامەن قاتار رەسەيلىك وقىتۋشىلار تاجىريبەلىك دارىستەرمەن دە ءبولىستى.

جەكەمەنشىك فەرمەرلەر مەن مال دارىگەرلەرىنە ارنالعان وقۋ-ادىستەمە باعدارلاماسى «اتامەكەن» كاسىپكەرلەر پالاتاسى مەن «Danone» كومپانياسىنىڭ باستاماسىمەن جۇزەگە اسىرىلىپ وتىر.

“Danone Berkut” ج ش س باس ديرەكتورى: «الماتى وبلىسى ءسۇت ءوندىرىسىن ىسكە اسىرۋعا بولاتىن جايلى ايماق. تابيعاتى تاماشا، اۋاسى تازا، سيىرلارى ءسۇتتى كەلەدى. ءسۇت ءوندىرىسىن دامىتۋعا ۇلكەن مۇمكىندىكتەر جەتەرلىك. باستىسى، دۇرىس باعدار بەرىپ، جول كورسەتۋ. سول ءۇشىن دە ءبىز ەكى ايلىق سەمينار دارىستەرىن جۇرگىزۋدى قولعا الدىق. شارۋالار العان ءبىلىم ارقىلى ءوز كاسىپتەرىن ارى قاراي دامىتىپ، جەتىلدىرەدى دەگەن ويدامىز».

 «فەرمەرلەر مەكتەبىنە» كەلگەن ءاربىر جان وزدەرىنە قاجەتتى اقپاراتتى الدى دەپ سەنەمىز. ءبىز بەرگەن ءبىلىمدى جەكە شارۋالار ءوز كاسىبىندە پايدالانسا، نۇر ۇستىنە نۇر بولادى. شارۋالار بىزدەن العان دارىستەردى ارىپتەستەرىمەن ءبولىسىپ، جاڭا تەحنولوگيالاردى پايدالانىپ، ءوز كاسىبىنىڭ جۇمىسىن ساپاسىن ارتتىرا الادى،» - دەدى سبا وقۋ كومبيناتىنىڭ ديرەكتورى كادريا كيرشەنينا

«قىركۇيەك ايىندا باستالعان «فەرمەرلەر مەكتەبىنىڭ» دارىستەرىنە 150-گە جۋىق شارۋالار قاتىستى. ولاردىڭ كوبى مال شارۋاشىلىعى سالاسىندا جەكەمەنشىك كاسىپپەن اينالىسادى. اراسىندا مال دارىگەرلەرى دە بار. دارىستەر ءار ءتۇرلى تاقىرىپ بويىنشا ءتورت سەمينارعا ءبولىندى. ءار سەميناردى سبا وكىلدەرى جۇرگىزدى. ءدارىس قاتىسۋشىلارى وزدەرىنىڭ بىلىمدەرىن تولىقتىرىپ، كەيىن ءوز كاسىبىندە ىسكە اسىرا الاتىنىنا سەنىمىمىز مول،» - ابزال جازبايەۆ “Danone” كومپانياسىنىڭ مامانى. 

نۇرلان وتەۋلينوۆ، شارۋا: «مەنىڭ الماتى وبلىسى، قاراساي اۋدانىندا جەكە كاسىپپەن اينالىسقانىما 10 جىلداي بولىپ قالدى. 100 شاقتى ءىرى قارا مالىم بار. كۇنىنە شامامەن 200-300 ليتر ءسۇت الامىز. ونى شيكى ءسۇت رەتىندە وتكىزەمىز. وسى سەمينارعا كەلىپ، ءبىلىم الىپ، مامانداردىڭ كەڭەستەرىن تىڭداپ جاتقان جايىمىز بار». 

جەكە شارۋالاردى وقىتۋ باعدارلاماسى 2020 جىلدىڭ 1 قاڭتارىندا ءوز كۇشىنە ەنەتىن ەۋرو كەدەندىك وداقتىڭ جاڭا تەحنيكالىق رەگلامەنتتەرگە دايىن بولۋى ءۇشىن جۇرگىزىلدى. جاڭا قۇجاتتىڭ تالاپتارى شيكى ءسۇتتىڭ ىشىندەگى انتيبيوتيكتەردىڭ بولۋى مەن تازالىعىنا قاتىستى. قازاقستان ەلىنە دايىندىق جۇمىستارى ءۇشىن 1 جىل ۋاقىت بەرىلگەن بولاتىن. الايدا، ساراپشىلار قابىلدانىپ الىناتىن شيكى ءسۇتتى قابىلداپ الۋ جاعدايى ەش وزگەرمەگەنىن ايتادى