شۋلىق ديقاندار جەر-انانىڭ جومارتتىعىن جاقسى تۇسىنەدى. سول سەبەپتى، مۇمكىندىگىنشە كەڭ القاپقا ءدان سەۋىپ، مول ءونىم الۋعا ۇمتىلىپ تۇرادى. «ديقان جەرگە تويماس» دەگەن وسى بولسا كەرەك.

جالپى، شۋ اۋدانىندا اۋىل شارۋاشىلىعى سالاسىندا 2019 جىلى جالپى قۇنى 40 ملرد 2 ملن 4 مىڭ تەڭگەنىڭ ءونىمى وندىرىلگەن. ونىڭ فيزيكالىق يندەكس كولەمى 104 پايىزدى قۇراعان.

– ونىڭ ىشىندە ەگىن شارۋاشىلىعى 26 ملرد 304 ملن 9 مىڭ تەڭگە، فيزيكالىق يندەكس كولەمى 105 پايىز، مال شارۋاشىلىعى ءونىمى 13 ملرد 558 ملن 600 مىڭ تەڭگە، فيزيكالىق يندەكس كولەمى 102،1 پايىز بولدى. ءونىم كولەمى وتكەن جىلدىڭ ءتيىستى كەزەڭىمەن سالىستىرعاندا 5 ملرد 765 ملن 500 مىڭ تەڭگەگە جوعارىلاپ، 116،8 پايىزعا ورىندالدى.

شۋ اۋدانى اۋماعىنىڭ جەر كولەمى – 1 203 030 گەكتار، ونىڭ ىشىندە ەگىستىك - 146800 گەكتار، ونىڭ ىشىندە سۋارمالى ەگىستىك 32722 گەكتار، كوپ جىلدىق ەكپەلەر - 584 گەكتار، شابىندىق - 5486 گەكتار، جايىلىمدىق - 926136 گەكتاردى قۇرايدى.

2019 جىلدىڭ ءونىمى ءۇشىن ەگىلگەن اۋىل شارۋاشىلىعى داقىلدارىنىڭ كولەمى 139706 گا، ونىڭ ىشىندە: جازدىق ارپا 23710 گەكتار، كۇزدىك بيداي 15268 گەكتار، داندىك جۇگەرى 1576 گەكتار، مايلى داقىلدار 10122 گەكتار، كارتوپ 1244 گەكتار، قانت قىزىلشاسى 725،1 گەكتار، كوكونىس 10180 گەكتار، باقشا 8580،2 گەكتار، ءبىر جىلدىق ءشوپ 17333 گەكتار بولدى، – دەيدى اۋدان اكىمى جارىلقاسىن ايتاقوۆ.

اۋداندا ءتاتتى ءتۇبىر ءوسىرۋ ءىسى دە العا باسىپ كەلەدى. ماسەلەن، بيىل قانت قىزىلشاسىنىڭ جوسپارى بويىنشا اۋدانعا 1500 گا جوسپار بەرىلىپ، ورىندالۋى 725،1 گەكتاردى نەمەسە 48،3 پايىزدى قۇراعان.

ال، ءونىمدى ساقتاندىرۋ جۇمىستارى بويىنشا، 2019 جىلدىڭ ونىمىنە ەگىلسە، 14 710 گەكتار كۇزدىك بيدايدىڭ 8986 گەكتارى ساقتاندىرىلىپ، 61،08 پايىزعا ورىندالدى.

– 2019 جىلى 1 توننا اممياك سەليتراسىنىڭ باعاسى 78 400 تەڭگە، تاسىمالداۋ قۇنى ءار تونناسىنا 5 950 تەڭگەنى قۇراپ، قوسا كەلە 1 توننا سەليتراسىنىڭ باعاسى 84 350 تەڭگەنى قۇرايدى. سونىمەن قاتار، 2018-2019 جىلدارعا 17000 توننا فوسفوگيپس ۇنتاعىن الۋ جوسپارلانىپ، 4210 توننا فوسفوگيپس الىندى نەمەسە 24،8 پايىزدى قۇرادى.

اۋدانعا 2019 جىلدىڭ كوكتەمگى-جازعى دالا جۇمىستارىنا 2145 توننا ارزانداتىلعان ديزەل وتىنى ءبولىندى. ونىڭ ىشىندە: شىلدە ايىنا 780 توننا، تامىز ايىنا 455 توننا، قىركۇيەك ايىنا 390 توننا، قازان ايىنا 520 توننا. كوكتەمگى ەگىس دالا جۇمىستارىنا 613 تراكتورلارمەن قامتاماسىز ەتىلگەن. ونىڭ ىشىندە 573 دوڭعالاقتى تراكتور بار، – دەيدى اۋدان باسشىسى.

جالپى، اعىمداعى جىلدىڭ توعىز ايىندا اۋداننىڭ اگروقۇرىلىمدارى 497،3 ملن. تەڭگەگە 56 دانا جاڭا اۋىل شارۋاشىلىعى تەحنيكالارىن ساتىپ العان. ونىڭ ىشىندە ليزينگ تاسىلىمەن 219،5 ملن. تەنگەگە 19 دانا، وزدەرىنىڭ قاراجاتتارىنا 37 دانا تەحنيكا 277،8 ملن. تەڭگەگە الىنىپتى.