مۇرات وسكىنبايەۆتىڭ تۋعانىنا 115 جىل تولۋىنا وراي اقتاۋدا "كۇيگە كەنەن جىر-ساندىق"  كەشى ءوتتى. شارادا ابىل تاراق ۇلى اتىنداعى ۇلت-اسپاپتار وركەسترىنىڭ سۇيەمەلدەۋىمەن ءتۇرلى شىعارمالار ورىندالدى.

مۇرات وسكىنبايەۆ - سىپىرادان قالعان جىرشى، كۇيشى.  ادايدىڭ جەتى  قايقىسىنىڭ ءىزىن جالعاستىرۋشى.  حالىق اراسىندا وسىلاي تانىلعان ونەرپاز 300-گە جۋىق كۇيدىڭ اۆتورى. كەشتە  "كۇي قونىپ، كيە دارىعان اۋلەت" جيناق  كىتابىنىڭ تۇساۋكەسەرى ءوتتى. اۆتورى - مۋزىكا زەرتەتۋشىسى ايتبەرگەن جاڭبىرشى.

شاراعا قاتىسقان وبلىس اكىمىنىڭ ورىنباسارى قانىبەك جۇماشيەۆ  قازاق كۇي ونەرىنىڭ بەلگىلى وكىلى- مۇرات وسكىنبايەۆتى تۇركىلىك مۋزىكانىڭ بىلگىر ورىنداۋشىسى بولعان فەنومەنگە تەڭەدى.

-¤ ¤ءوزى شەبەر شەرتەتىن اڭىز كۇيلەرىندەي تاعدىرى تالايلى تۇلعا. وسىناۋ تار جول، تايعاق كەشۋدە باسىن امان ساقتاپ، دەم بەرگەن الاپات كۇش - حالىقتىڭ اماناتى. سول اماناتقا قىلاۋ تۇسىرمەي، كەيىنگى ۇرپاققا جەتكىزدى. ونەرپاز ءوز قولتاڭباسىن قالدىردى، دەيدى ماڭعىستاۋ وبلىسى اكىمىنىڭ ورىنباسارى  قانىبەك جۇماشيەۆ.

 ¤كەشتە ولكەگە تانىمال ونەرپازدار سەرجان شاكىرات، روزا ايداربايەۆا كۇي توگىلتىپ،  وسپان قۇلسىماق، تەمىربەك اسقانبايەۆ اننەن شاشۋ شاشىپ، كورەرمەننىڭ قۇلاق قۇرىشىن قاندىردى. سونداي-اق، اكە جولىن جالعاستىرۋشى  ءازىرباي وسكىنبايەۆ تا ءوز ونەرىن ورتاعا سالدى.

-¤¤بۇگىنگى كەش وتە جاقسى دەڭگەيدە ءوتىپ جاتىر. مۇنىڭ ەرەكشەلىگى، اكەمىزدىڭ كۇي ونەرىمەن دارىپتەلىپ كەلسە، كەشتە وسكىنبايدان باستاپ، جىرى، تەرمەلەرى، اندەرى، ءبىر سوزبەن بۇكىل شىعارمالارىنىڭ ءبارى ورىندالىپ جاتىر. وتە ريزامىز. رۋحاني جاڭعىرۋعا كەلەتىن بولساق، ءبىزدىڭ رۋحىمىز - كۇيدە، دومبىرادا جاتىر، دەيدى مۇرات وسكىنبايەۆتىڭ ۇلى ءازىرباي وسكىنبايەۆ.

 ¤كەش سوڭىندا 2 جىلدا ءبىر رەت ۇيىمداستىرىلاتىن مۇرات وسكىنبايەۆ اتىنداعى حالىقارالىق  بايقاۋدىڭ جەڭىمپازدارى ونەر كورسەتتى.