قازاقستاندا ەڭ جاس انا 13-اق جاستا. ول سولتۇستىك قازاقستان وبلىسىندا تۇرادى بۇل تۋرالى «قامشى» Tengrinews.kz سايتىنا سىلتەمە جاساي وتىرىپ  حابارلايدى.

مەديسينالىق كومەكتى ۇيىمداستىرۋ دەپارتامەنتىنىڭ وكىلدەرى قازاقستاندا 2015 جىلدىڭ 1 شىلدەسىندە كامەلەتكە تولماعان 2420 جۇكتى قىزدىڭ تىركەلگەنىن حابارلادى. ولار 15-18 جاس ارالىعىندا.

"ەلدە كامەلەتكە تولماعان جۇكتى قىزداردىڭ ۇلەسى - 1،2 پايىز. ولاردىڭ باسىم بولىگى قوستاناي (1،9 پايىز)، جامبىل (1،8 پايىز)، سولتۇستىك قازاقستان (1،7 پايىز) وبلىستارىندا تىركەلدى"، - دەپ حابارلادى دەپارتامەنت وكىلدەرى.

"قىلمىستىق كودەكسكە سايكەس، كامەلەتكە تولماعانداردىڭ جىنىستىق قاتىناستاعى جانە سەكسۋالىق ماندەگى ارەكەتتەرى دەرەكتەرىن وبلىس، استانا جانە الماتى دەنساۋلىق ساقتاۋ باسقارمالارى قۇقىق قورعاۋ ورگاندارىنا جىبەرەدى"، - دەدى مينيسترلىكتەگىلەر.

 ال وسىعان دەيىن وڭتۇستىك قازاقستان وبلىسى بويىنشا جۇكتى ايەلدەردىڭ جانە فەرتيلدى جاستاعى ايەلدەردىڭ پورتالىنداعى ەلەكتروندى بازاسىنداعى 2015 جىلدىڭ 1 قاڭتارىنان 2015 جىلدىڭ 20 شىلدەسىنە دەيىنگى ستاتيستيكالىق مالىمەتتەرگە سايكەس، جۇكتىلىك ەسەبىندە كامەلەتكە تولماعان 467 جۇكتى قىز تۇرعاندىعى تۋرالى حابارلانىپ، الەۋمەتتىك جەلىلردە تالقىلانعان بولاتىن.