باتىس قازاقستان  وبلىسى ءماسليحاتىنىڭ دەپۋتاتى امانگەلدى تاسپيحوۆ ءوزىنىڭ قاتىسۋىمەن بولعان كولىك اپاتىندا رولدە كىم وتىرعانىن سۇراعان ءفوتوتىلشىنى  تىلدەگەنى تۇسىرىلگەن ۆيدەو جۇرتتىڭ جاعاسىن ۇستاتتى.

بۇل تۋرالى «قامشى» پورتالى «موي گورود-قا» سىلتەمە جاساي وتىرىپ حابارلايدى.

ەسكە سالساق، 26 شىلدە كۇنى، شامامەن كۇندىزگى ساعات 16:00 شاماسىندا  مانشۇك مامەتوۆا اتىنداعى الاڭدا كولىكتى باسقارا الماعان جۇرگىزۋشى جاياۋ جۇرگىنشىلەردى باسىپ كەتۋگە شاق قالعان بولاتىن. بولعان جايتتىڭ كۋاگەرلەرى رولدە امانگەلدى تاسپيحوۆ وتىرعانىن ايتقان.

كەيىن فوتوتىلشىگە بالاعات سوزدەرمەن جاۋاپ قاتقان ازامات وبلىس ءماسليحاتىنىڭ دەپۋتاتى ەكەنى انىقتالدى.

“مگ” ءفوتوتىلشىسىنىڭ دەپۋتاتقا: “جىگىتتەر رولدە ءسىز وتىردى دەپ جاتىر” دەگەن سوزىنە شەندى ازامات: “جوق، مەن ەمەس، كەت بۇل جەردەن!” دەپ قانا قويماي، ءتىلشىنى بوقاۋىز سوزبەن تىلدەگەن.

بۇگىن دە دەپۋتات تىلشىلەرگە قولى بوس ەمەس ەكەنىن العا تارتىپ، قانداي دا ءبىر تۇسىنىكتەمە بەرۋدەن باس تارتتى. “مگ” ءفوتوتىلشىسى وزىنە ءتىل تيگىزگەن دەپۋتاتتىڭ ۇستىنەن قۇقىق قورعاۋشىلارعا ارىز ءتۇسىردى.

نۇرزات توعجان