امەريكانىڭ  فلوريدا شتاتىندا تۇراتىن شميتتەر  وتباسى 1715 جىلى سۋعا باتىپ كەتكەن بريتاندىق كەمە سىنىقتارىن تاپقان. وسىلايشا وتباسى 300 جىل بۇرىن سۋعا باتقان كەمەنى تاۋىپ، مول قازىناعا كەنەلگەن. بۇل تۋرالى «قامشى» پورتالى  قازاقپارات-قا سىلتەمە جاساي وتىرىپ حابارلايدى.

سۇڭگۋىرلەر كەمە بورتىنان جالپى قۇنى ميلليون دوللار بولاتىن التىن مونەتا تاپتى، دەپ حابارلادى Mirror.

بۇل كەمە  1715 جىلى كۋبادان يسپانياعا قاراي بەت العان. جولاي سۇراپىل داۋىل تۇرىپ، بورتىندا يسپاندىق حانشايىمنىڭ اسا باعالى زاتتارى بار كەمە سۋعا باتىپ كەتكەن.

سۇڭگۋىرلەردىڭ ايتۋىنشا، قازىنا نەبارى ءبىر جارىم مەتر تەرەڭدىكتە جاتقان. بورتتان 50 التىن مونەتا، قالىڭ التىن شىنجىر، يسپاندىق فيليپپ  V مونارحقا ارنالعان كورولدىك مونەتا تابىلدى. ساراپشىلاردىڭ باعالاۋىنشا،  ونىڭ قۇنى بۇگىندە 500 مىڭداي دوللاردى قۇرايدى.

نۇرزات توعجان