سوڭعى جىلدارى قازاقستاندا كامەلەت جاسقا تولماعانداردىڭ اراسىندا جىنىستىق قىلمىسقا شاتىلۋشىلاردىڭ كورسەتكىشى ارتىپ كەلەتىندىگىنە رەسمي ورگانداعىلار الاڭداۋشىلىق بىلدىرەتىنى تۋرالى تالاي رەت ايتىلعانىمەن،  قىلمىس سانى ازايمىي تۇر. جاقىندا اقمولا وبلىسىندا تاعى ءبىر جان تۇرشىلەگرلىك وقيعا ورىن الدى. 8 سىنىپ وقۋشىسى 80 جاستاعى زەينەتكەردى سوققىعا جىعىپ، زورلاماق بولعان. بۇل تۋرالى «قامشى» پورتالى «نوۆوستي-كازاحستان» باسلىمىنا سىلتەمە جاساي وتىرىپ حابارلايدى.

وقيعا 29 شىلدە كۇنى اقمولا وبلىسىندا بولعان. بەيتانىس جەتكىنشىك 1935 جىلى تۋىلعان  كەيۋانانىڭ ۇيىنە باسىپ كىرىپ، ونى سوققىعا جىققان. ارتىنشا ونىڭ زەينەتكەردى زورلاماق بولعاندىعى انىقتالعان. قىلمىسقا كۇدىكتى رەتىندە 1999 جىلعى 8 سىنىپ وقۋشىسى ۇستالعان،دەيدى وبلىستىق ءىىد.

ءقازىر وقيعاعا قاتىستى ق ر قىلمىستىق كودەكسىنىڭ 24 بابى 3 بولىگىنىڭ “قىلمىس جاساۋعا ارەكەتتەنۋ” جانە 120 بابى 1 بولىگىنىڭ “زورلاۋ” قىلمىستارى بويىنشا تەرگەۋ جۇرگىزىلۋدە.

ەسكە سالساق، بۇعان ۇقساس جاعداي 24 شىلدە كۇنى شىعىس قازاقستان وبلىسىندا بولعان ەدى. كوللەدج ستۋدەنتى 75 جاستاعى كەيۋانانى زورلاعان بولاتىن.

نۇرزات توعجان