اتىراۋدا قارجى پيراميداسىن قۇرۋشىلارعا قاتىستى سوت وتىرىسى  باستالدى.  اتىراۋدىڭ №2 سوتىندا قالاداعى ايگىلى «التىن ماشينەنىڭ» يەسىنە قاتىستى قىلمىستىق ءىستىڭ تىڭداۋلارى  باستالعان. قازىرگى تاڭدا «التىن ماشينەنىڭ» يەسى  84 ميلليون تەڭگەنى قارجى پيراميداسىن قۇرۋ ارقىلى سىپىرىپ كەتكەن دەگەن كۇدىكپەن ۇستالعان. بۇل تۋرالى «قامشى» پورتالى «اقجايىققا» سىلتەمە جاساي وتىرىپ حابارلايدى.

قىلمىستىق ءىس ماتەريالدارىندا كورسەتىلگەندەي، ايىپتالۋشى ج.ك.، 2014 جىلى Playtcoin جسش-نى قۇرىپ تۇرعىنداردان قارجىلاي سالىم جيناعان. ول اتالمىش سەرىكتەستىكتى قۇرعاندا رەمي ورگانداردان بانك وپەراسيالارىن جۇرگىزۋگە رۇقسات الماعان. ال كومپانيا ءوز كەزەگىندە ءار سالىمشىعا 30 پايىزدىق سىياقى بەرۋگە ۋادە بەرگەن،-دەيدى اتىراۋ وبلىستىق سوتىنىڭ باسپاسوز-قىزمەتكەرى بورانباي گالييەۆ.

تەرگەۋ جۇمىستارى بارىسىندا انىقتالعانداي، جسش-نىڭ سالىمشىلارى 134 ادامعا جەتكەن. ال ولاردىڭ سالىمدارى 84 ميلليون تەڭگەگەنى قۇراعان.

ال ايىپتالۋشىعا ق ر قىلمىستىق كودەكسىنىڭ 2 بابى، 2 تارماعى بويىنشا («بانكتىك الاياقتىق ارقىلى اسا ءىرى كولەمدە پايدا تابۋ») جانە 3 باپ، 2تارماعى بويىنشا («قارجى پيراميداسىن قۇرۋ جانە باسقارۋ») ايىپ تاعىلعان.

نۇرزات توعجان