بۇل تۋرالى ماڭعىستاۋ وبلىسىنىڭ قوعامدىق كوممۋنيكاسيا ورتالىعىندا وتكەن بريفينگتە وبلىستىق پوليسيا دەپارتامەنتى باسشىسىنىڭ ءبىرىنشى ورىنباسارى امانگەلدى حالمۇراتوۆ مالىمدەدى.
وبلىس كولەمىندە ىندەتكە قارسى پوليسيا جانە اسكەري ءبولىم قىزمەتكەرلەرى بىرلەسىپ كۇشەيتىلگەن تۇردە قىزمەت اتقارۋدا.
ماڭعىستاۋ وبلىسى اۋماعىندا كارانتين رەجيمىن بۇزعان تۇلعالارعا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 476 بابىمەن 730 حاتتاما تولتىرىلىپ، سوتقا جولداندى.
سوت شەشىمىمەن 158 تۇلعاعا ەسكەرتۋ، 68 تۇلعاعا ايىپپۇل سالىنىپ، 47 تۇلعاعا ءار ءتۇرلى مەرزىمدە اكىمشىلىك قاماۋعا الىندى، 1 ءىس قىسقارتىلىپ، 456 اكىمشىلىك ءىستىڭ شەشىمى قابىلدانباعان.
-«بۇكىل الەمدە تارالىپ جاتقان ىندەتىنىڭ الدىن الۋ ماقساتىندا ساقتىق شارالارىن ساقتاپ، ورناتىلعان شەكتەۋلەرگە تۇسىنىستىكپەن قاراۋىڭىزدى سۇرايمىن»، - دەدى امانگەلدى حالمۇراتوۆ.
پىكىر قالدىرۋ